Gërxhaliu: Ngritja prej 100% e tatimit në pronë, e papërballueshme për qytetarët
Autori: Gazeta inFokus 18:48 | 24 January 2023
Gjatë ditës së sotme, ka pasur disa ankesa të qytetarëve se është dashur të paguajnë më shtrenjtë për tatimin në pronë.
Ministria e Financave ka dalë me një sqarim duke thënë se në vitin tatimor 2023 nuk zbatohet zbritja e përgjithshme për tokat, pasi që tanimë kemi hyrë në vitin e 5-të të tatimit të tokave.
“Nga ky vit, të gjitha tokat rezidenciale, komerciale, industriale dhe pyjore tatimohen me 100% të vlerës së vlerësuar, për dallim nga viti i kaluar ku është zbatuar zbritja e përgjithshme prej 20%, ku tokat janë tatimuar me 80% të vlerës së vlerësuar”.
Mirëpo ekonomisti Safet Gërxhaliu vlerëson se një ngritje e tatimit në pronë prej 100 për qind, do ta dëmtojë sektorin privat dhe qytetarin.
Në një lidhje direkte në emisionin Info Magazine në Klan Kosova, ai ka thënë se një vendim i tillë do të duhej të pezullohej dhe të përpilohet përmes një dialogu të mirëfilltë.
“Një vendim i tillë nuk duhet të analizohet vetëm në aspektin ekonomik dhe social, por edhe në aspektin emocional. Si e ndjejnë veten sot qytetarët e Kosovës kur ballafaqohen me rëndime të tilla”?.
Sipas tij, është koha kur duhet të kuptohet që për t’i zgjedhur problemet, dialogu është arma më e fuqishme.
“Një vendim i tillë në këtë kohë është mjaft i rrezikshëm. Nuk është një vendim i cili e godet vetëm qytetarin, por e godet edhe sektorin privat, në veçanti e godet një sektor që ka qenë garanci e gjenerimit, punësimit, tregtisë dhe aktiviteteve”.
“Është një vendim që duhet vërtetë të rishikohet, analizohet, të pezullohet dhe tek atëherë të procedohet me ligjin e miratuar në vitin 2022”.
Tutje, Gërxhaliu shton se është koha që ministria e Financave një vendim të tillë ta pezullojë dhe ta avancojë me një dialog i mirëfilltë me drejtoritë për ekonomi në nivelin komunal në mënyrë që të gjendet një modalitet që është në interes të të dyja palëve.
“Përndryshe një ngritje prej 100% e tatimit në pronë, pa paralajmërim është vërtetë diçka që do ta dëmtojë edhe sektorin privat, por edhe qytetarët e Kosovës sepse në këtë kohë të inflacionit do të jetë i papërballueshëm”.
Të tjera
-
Reagojnë komunitetet fetare pas martesës mes dy grave në Shqipëri
Komunitetet fetare në Shqipëri kanë reaguar me shqetësim pas publikimit të im...
-
Temperatura deri në 30 gradë, moti në Shqipëri
Shqipëria do të vijojë nën ndikimin e motit të kthjellët dhe temperaturave të...
-
DASH kritikon Kosovën për mbylljen e degëve të bankës serbe në veri
Departamenti amerikan i Shtetit shprehu zhgënjimin për mbylljen nga policia e...
-
Sot mblidhen katër komisione parlamentare
Sot është paraparë që të mblidhen katër komisione parlamentare. Komisioni ...
-
Vazhdon procesi gjyqësor ndaj ish-krerëve të UÇK-së
Në Dhomat e Specializuara të Kosovës në Hagë sot do të vazhdojë procesi gjyqë...
-
Mblidhet qeveria
Sot pritet të mblidhet kabineti qeveritar në mbledhjen e radhës, raporton tev...
-
Pentagoni zotohet të vazhdojë transferimin e armëve në Ukrainë
Sekretari i Mbrojtjes Lloyd Austin u zotua të hënën për të vazhduar transferi...
-
Balje: Ne si grup multietnik do e votonim shpërndarjen e Kuvendit
Deputetja Duda Balje ka thënë se nëse bëhet shpërndarja e Kuvendit do e votoj...
-
Dinarë, euro, dollarë e franga: Operacioni i Policisë së Kosovës në veri, që kaloi pa ndonjë incident të pretenduar nga Serbia
Autoritetet në Kosovë gjatë ditës së djeshjme kanë kryer një operacion polico...
-
Moti i vranët dhe me intervale me diell
Instituti Hidrometeorologjik i Kosovës ka njoftuar se moti në vendin tonë sot...
-
Kjo zonë parashikohet që sot të ketë stuhi të fuqishme dhe përmbytje
Pas shiut të rrëmbyeshëm që përfshiu orët e para të mëngjesit Prishtinën dhe ...
-
25 vjet nga masakra e Stagovës së Kaçanikut
Më 21 maj bëhen 25 vite nga masakrimi i 13 qytetarëve të pafajshëm në fshatin...