Lajme

Gërvalla për masat e BE-së ndaj Kosovës: Të panevojshme e të rrezikshme

Autori: Gazeta inFokus 13:05 | 30 June 2023

Ministrja e Punëve të Jashtme, Donika Gërvalla, ka komentuar masat ndëshkuese ndaj Kosovës, të ndërmarra nga Bashkimi Evropian si pasojë e situatës në veri.

Ajo tha se masa të tilla janë të panevojshme, pasi sipas saj, është e rëndësishme që mesazhi t’iu dërgohet atyre që i kanë krijuar trazirat.

“Ne mendojmë që masa të tilla janë të panevojshme për shkak se është shumë e rëndësishme që në një situatë të tillë në të cilën ndodhemi, mesazhi t’i dërgohet qartë dhe pa asnjë mundësi për keqkuptim atyre që i kanë krijuar trazirat në veri”.

-Advertisement-

“Personalisht mendoj se mesazhet e tilla janë të rrezikshme sepse mund të krijojnë përshtypjen tek Vuçiqi se mund të vazhdojë me të njëjtën mënyrë, të destabilizojë jo vetëm Kosovën por edhe fqinjët tjerë”, tha Gërvalla, njofton Klankosova.tv.

Tutje, ajo tha se nuk ka bllokim të fondeve nga Bashkimi Evropian, por vetëm suspendim të përkohshëm.

“Nuk ka bllokim të fondeve. Ka suspendim të përkohshëm të fondeve dhe BE-ja e ka bërë të qartë se këto janë masa të cilat janë për momentin dhe natyrisht janë të rikthyeshme”, tha Gërvalla.

Subscribe në YouTube: GAZETA INFOKUSI
Etiketa:
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme