Lajme

Gërvalla: Në mëngjes fola me Martin Berishajn, ambasadori nuk shkarkohet për shkak të fjalëve

Autori: Gazeta inFokus 11:35 | 16 January 2023

Ministrja e Punëve të Jashtme, Donika Gërvalla, në konferencën e përbashkët për shtyp me kryedilplomaten sllovene, Tanja Fajon u pyet sërish për ambasadorin e Kosovës në Kroaci, Martin Berishaj, i cili u implikua në një skandal të madh financiar për të cilin raportuan mediat në Slloveni dhe Kroaci.

Gërvalla tha se vazhdon të kërkojë informacione zyrtare nga disa shtete mbi këto dyshime, ndërsa konfirmoi edhe një herë se shkarkimi i ambasadorit nuk është duke u konsideruar.

“Ambasadori nuk shkarkohet për shkak të spekulimeve të fjalëve. Ambasadori shkarkohet në momentin kur ka arsye faktike se pse ambasadori duhet të shkarkohet. Deri në këtë moment nuk kam asnjë informacion të vetëm që shkelje të tilla kanë ndodhur”, tha Gërvalla.

-Advertisement-

Kryediplomatja tha se sot në mëngjes ka folur me ambasadorin Berishaj, duke treguar se ai ka kërkuar që ta mbajnë një konferencë të përbashkët për media për t’iu përgjigjur pyetjeve.

“Sot në mëngjes kam folur me ambasadorin Berishaj dhe ai ka treguar gatishmërinë që ose me shkrim, ose ndoshta, po të kemi mundësi ta sjellim, ta kemi një konferencë të përbashkët për shtyp edhe aty të përgjigjet”, tha Gërvalla.

Subscribe në YouTube: GAZETA INFOKUSI
Shkëlqim Devolli dhe Adriatik Kelmendi e presin ambasadorin amerikan, Jeff Hovenier
-Advertisement-

Të tjera

Fokusi

lajme