Lajme

Gërvalla: Lajçak e ka fjalën për tërheqje të pjesshme të Serbisë nga letra e Bërnabiqit, kjo është e papranueshme

Autori: Gazeta inFokus 13:32 | 06 September 2024

Ministrja e Punëve të Jashtme, Donika Gërvalla, ka thënë se nuk ka ndonjë informacion për ndonjë hap të ri të Serbisë në lidhje me tërheqjen nga letra e ish-kryeministres Ana Bërnabiq, që ia pati dërguar BE-së.

Gërvalla tha se beson që emisari special i BE-së për dialogun Kosovë – Serbi, Miroslav Lajçak, fjalën e ka për një tërheqje të pjesshme të letrës së Bërnabiqit.

“Nuk kam ndonjë informacion për ndonjë hap të ri të Serbisë në lidhje me çfarëdo lloj dokumenti. Besoj që Lajçak, fjalën e ka për një tërheqje të pjesshme të letrës së ish-kryeministres serbe Ana Bërnabiq, e cila megjithatë nuk tërhiqet nga mosnjohja e sovranitetit dhe integritetit territorial e Kosovës, që për ne është qasje e papranueshme”.

-Advertisement-

“Përshtypja që të krijohet në këtë proces të ashtuquajtur të normalizimit të BE-së në raport me Kosovën dhe Serbinë është që sa më shumë që normalizohet pozita e serbëve të Kosovës, sa më tepër që ata janë të çliruar nga ndikimi i bandave kriminale në veri, tentojnë t’i kthehen jetës normale dhe të bëhen pjesë e shoqërisë, aq më shumë largohet Serbia nga ai normalizimi i ashtuquajtur dhe i synuar në Bruksel”, u shpreh Gërvalla.

Tutje shtoi, se palët kanë nevojë për një rishikim të të gjithë procesit të dialogut dhe se sipas saj, kanë nevojë që personat e rinj që vijnë në Bruksel dhe marrin detyrat, të kenë strategji të qartë se ku do të çojë procesi i negociatave mes Kosovës dhe Serbisë.

“Kemi një marrëveshje në shkurtin e vitit të kaluar dhe marrëveshjen e arritur në Ohër dhe presim që të gjitha palët t’i përmbahen zotimeve të tyre, por sic e kemi parë deri më tani, Serbia është shumë larg, jo vetëm implementimit të marrëveshjes por nuk ka ditë që në mediat serbe nuk del një zyrtar serb dhe publikisht e hedh poshtë gjithë atë që është menduar se është arritur në Bruksel”, tha ajo.

Subscribe në YouTube: GAZETA INFOKUSI
Etiketa:
E treta e verteta, shpallet fituesi I trete I Lojes Shperblyese se Artmotion?
-Advertisement-

Të tjera

Fokusi

lajme