Lajme

Gërvalla: Albright ishte çelsi kryesor për ndalimin e luftës në Kosovë, ajo shpëtoi mijëra jetë

Autori: Gazeta inFokus 10:13 | 23 October 2022

Në ditën e dytë të Forumit Ndërkombëtarë për Gratë, Paqen dhe Sigurinë që është duke u mbajtur në Prishtinë, pjesëmarrëse ishte edhe ministra e Punëve të Jashtme dhe Diasporës, Donika Gervalla.

Ajo tha se roli i ish Sekretares Madeleine Albright në Kosovë është i pazëvendësueshëm, sidomos kur bëhet fjalë për ndalimin e luftës dhe gjenocidit serb në Kosovë.

Gërvalla tutje vlerësoi se ajo ishte njeriu i parë që ndryshoi historinë e Kosovës dhe shpëtoi mijëra jetë njerëzish.

-Advertisement-

“Madeleine Albright ishte një prej njerëzve më të rëndësishëm që kishte shteti im Kosova. Albright është për mua njeriu i parë që ndryshoi historinë  kur na ndihmoi neve për të mposhtur gjenocidin serb në Kosovë. Ajo shpëtoi mijëra jetë, ajo ishte çelsi për mbarimin e luftës në Kosovë”, tha ajo.

Ky Forum filloi një ditë më parë ku iniciuese e saj është presidentja Vjosa Osmani.

Mesazhet në fjalë u përcollën nga mbi 400 pjesëmarrës, liderë, diplomatë, akademikë, ministra e pjesëmarrës të tjerë të 33 vendeve të botës të cilët të shtunën kishin zbarkuar në kryeqytetin e Kosovës, Prishtinë, gjatë ditsë së shtunë kur edhe u hap zyrtarisht forumi./Telegrafi/

Subscribe në YouTube: GAZETA INFOKUSI
Etiketa:
Artmotion fuqizon ragbin në Kosovë, Prishtina mirëpret Turneun Ndërkombëtar “Europe 7’s Conference”
-Advertisement-

Të tjera

Fokusi

lajme