Lajme

Gërmimet në oborrin e UP-së, drejt fundit. Asnjë shenje për varrezë masive

Autori: Bleona Dallaveraj 12:17 | 29 November 2019

Edhe pse është pretenduar që nën hapësirat e Kampusit të UP-së të ketë varreza masive, deri më tani gërmimet vijojnë pa asnjë rezultat.

Kryetari i Shoqatës Zëri i Prindërve në Mitrovicë, Bajram Qerkinaj ka deklaruar për gazetën inFokus se është dita e fundit që po kërkohet në këtë vend për eshtrat e 1635 të të pa gjeturve të luftës së fundit në Kosovë.

“Deri tash nuk u gjet kurgjo, asnjë shenj edhe sipas ktyne udhëheqësav ndërkombëtarë, s’ka kurgjo”, thotë Qerkinaj për gazetën inFokus, duke shtuar se gërmimet do të vazhdojnë vetëm edhe të premten.

Gërmimet në oborrin e Fakultetit të Arteve dhe përreth, kishin filluar 3 ditë më parë, me urdhër të Prokurorisë për krime lufte në Kosovë pasi që dëshmitarë që jetojnë përreth kishin ngritur dyshimet për varrezë masive duke deklaruar se kanë parë të varroseshin masivisht viktima në oborrin e UP-së gjatë luftës së fundit në Kosovë./Gazeta inFokus/

 

Të tjera