Gazi lotsjellës dhe pengimi i personit zyrtar më 2016, Konjufca deklarohet i pafajshëm
Autori: Gazeta inFokus 17:03 | 19 April 2022
Glauk Konjufca, kryetar i Kuvendit të Kosovës, u deklarua i pafajshëm lidhur me akuzën se në gusht të 2016-ës, në cilësinë e deputetit ka hedhur gaz lotsjellës në sallën e Kuvendit dhe ka penguar personat zyrtarë në kryerjen e detyrave zyrtare.
“Për këtë që më akuzoni ndjehem plotësisht i pafajshëm”, tha Konjufca.
Një deklarim të tillë, Konjufca e ka dhënë të martën në seancën fillestare pas leximit të aktakuzës nga prokurori Besart Mustafa, raporton “Betimi për Drejtësi”.
“Veprimi im ka qenë në atë kohë gati para 6 viteve plotësisht politik dhe konsideroj që për veprimin që e kam bërë e kam ndjerë veten të obliguar që ta bëj dhe kjo thirrje më ka ardhë edhe prej betimit që e kam bërë si deputet i Kosovës, me ç‘rast kur jam betuar kam deklaruar që me çdo kusht dhe me çdo mjet do ta mbroj sovranitetin dhe integritetin e Republikës se Kosovës”, shtoi ai gjatë deklarimit të tij rreth fajësisë.
Më pas, gjykatësja e rastit Edita Çanta e ka njoftuar Konjufcën me të drejtën se brenda afatit prej 30 ditësh mund të paraqes kërkesë për kundërshtim të provave dhe hudhje të aktakuzës.
Ndërsa, lidhur me kërkesat eventuale, gjykatësja Çanta deklaroi se do të vendos jashtë seance.
Po ashtu, palët u pajtuan që shqyrtimi i dytë për këtë çështje penale mos të mbahet.
Seanca fillestare e caktuar më 7 prill 2022 kishte dështuar të mbahej në mungesë të të akuzuarit Konjufca, i cili e kishte njoftuat gjykatën për mosardhjen e tij në gjykatë.
Prokuroria Themelore në Prishtinë, më 3 shkurt 2017, ka ngritur aktakuzë kundër Glauk Konjufcës, të cilin e ngarkon me dy vepra penale.
Sipas aktakuzës, i pandehuri Konjufca po akuzohet se më 10 gusht 2016, gjatë mbajtjes së mbledhjes në sallën e Kuvendit të Republikës së Kosovës, ku merrnin pjesë kryetari i Kuvendit, Kadri Veseli, deputetët Adem Grabovci, Ismet Beqiri, Sabri Hamiti, Pal Lekaj, Valdete Bajrami dhe Sllobodan Petroviq, i njëjti në cilësinë e deputetit, në kundërshtim me ligjin ka përdorur armë, ashtu që gjatë kësaj mbledhje ka hedhur gazin lotsjellës në këtë sallë.
Aktakuza thotë se si pasojë e kësaj, qëndrimi i pjesëmarrësve është pamundësuar nga tymi që ka shkaktuar gazi lotsjellës dhe të njëjtit janë detyruar të braktisin sallën, me çka i pandehuri Konjufca ka rënë ndesh me nenin 9.1 të Rregullores nr.04/12 për armëmbajtje në Republikën e Kosovës, ku ndalohet përdorimi i armëve.
Me këtë, Konjufca po akuzohet se ka kryer veprën penale “Përdorimi i armës apo mjetit të rrezikshëm” nga neni 375, paragrafi 1 të Kodit Penal, vepër e cila dënohet me burgim prej një deri në tetë vjet.
Ndërsa, sipas dispozitivit të dytë të kësaj aktakuze, me datë, në kohë dhe vend të përshkruar si në dispozitivin e parë të kësaj akuze, i pandehuri Konjufca gjatë përdorimit të gazit lotsjellës ka penguar personat zyrtarë si kryetarin e Kuvendit, Kadri Veseli, deputetët Adem Grabovci, Ismet Beqiri, Sabri Hamiti, Pal Lekaj, Valdete Bajrami dhe Sllobodan Petroviq në kryerjen e detyrave zyrtare, ç’rast të gjithë personat zyrtarë janë detyruar ta ndërpresin mbledhjen dhe të largohen nga salla.
Për këtë, Konjufca po akuzohet se ka kryer veprën penale “Pengimi i personit zyrtar gjatë kryerjes së detyrave zyrtare” parashikuar nga neni 409, paragrafi 1 të Kodit Penal, vepër e cila dënohet me burgim prej tre muaj deri në tre vjet. /BetimipërDrejtësi
Të tjera
-
Aksident mes katër veturave tek “Lesna” në Prishtinë (PAMJE)
Një aksident trafiku në mes katër veturave ka ndodhur para pak minutave tek “...
-
MPJD thotë se Bërnjaku mbetet i mbyllur deri në largimin e personave të maskuar, ka një apel për mërgimtarët
Ministria e Punëve të Jashtme dhe Diasporës ka deklaruar se pika kufitare në ...
-
Ky është vendimi i vetëm që u mor në mbledhjen e sotme të Qeverisë
Qeveria e Republikës së Kosovës ka emëruar Komisionin Ad hoc të Pranimit ...
-
Gërvalla: Persona të maskuar po ndalojnë veturat në kufi, policia serbe veç po i shikon e nuk ndërhyn
Ministrja e Punëve të Jashtme dhe Diasporës, Donika Gërvalla ka n...
-
Bllokimi i rrugëve në Serbi, kundërpërgjigjet Qeveria, mbyll Bërnjakun për qarkullim – Sveçla përmend arsyen
Ministri i Brendshëm, Xhelal Sveçla thotë se grupe ekstremistësh të masku...
-
Kryediplomati i Turqisë mbikëqyrë punimet për Xhaminë Qendrore, po ndërtohet me paratë turke
Kryediplomati i Turqisë, Hakan Fidan, ka mbikëqyrur nga afër punimet që p...
-
Osmani nesër merr pjesë në ceremoninë e zbulimit të shtatores së Presidentit Ibrahim Rugova në Podujevë
Presidentja Vjosa Osmani do të marrë nesër pjesë në ceremoninë e zbulimit të ...
-
Hoxhaj: Politikanët e padijshëm që po qeverisin vendin dhe emisarët papeshë në Evropë, i degraduan marrëdhëniet e Kosovës me BE-në
Deputeti i PDK-së, Enver Hoxhaj e ka quajtur ‘të padijshme’ Qeverinë Kurti. A...
-
Osmani: Policia, garant i sigurisë dhe stabilitetit në Kosovë
Me rastin e 25-vjetorit të themelimit të Policisë së Kosovës, Presidentja e R...
-
Bllokimi i kufinjve serbë, MPB-ja tregon në cilat pikat ndalohet hyrje-dalja me dokumente “RKS”
Dhjetëra serbë janë mbledhur në pikat kufitare të Serbisë, për të bllokuar hy...
-
Kurti ndjek nga afër demonstrimin e përgatitjeve dhe aftësive të njësive elite të Policisë, thurr lavde
Kryeministri Albin Kurti ka marrë pjesë sot në një demonstrim të ...
-
Një autobus nga Kosova nuk lejohet të futet në Serbi, Elshani: Është kthyer nga Policia, s’kishte vula
Një autobus me udhëtar është kthyer mbrapa në pikën kufitare në Bërnjak dhe n...