Sport

“Gati kontratat e reja”, Ten Hag konfirmon rinovimet me katër lojtarë

Autori: Gazeta inFokus 12:38 | 07 April 2023

Manchester United do të provojë deri në fund që të sigurojë një biletë për në edicionin e ardhshëm të Champions League. Objektiv që duhet arritur me çdo kusht. Skuadra e Erik ten Hag është aktualisht forca e katërt e kampionatit anglez, me të njëjtin numër pikësh me Newcastle e vendit të tretë.

Krahas ndeshjeve që kanë mbetur, “Djajtë e Kuq” duhet të mendojnë dhe për rinovimet. Një pjesë e lojtarëve titullarë janë në muajt e fundit të kontratës. I shqetësuar duket trajneri holandez, i cili do që sa më parë të jetë i qartë për futbollistët që do të ketë nën urdhrat e tij edicionin e ardhshëm.

Drejtuesit po punojnë që të bindin Marcus Rashford, David de Gea, Diogo Dalot dhe Fred që të vijojnë aventurën e tyre në “Old Traford”. Sulmuesi është padiskutim meraku më i madh i Ten Hag. Sulmuesi anglez po shkëlqen këtë sezon, gjatë së cilit ka shënuar 27 gola.

-Advertisement-

“Dëshira jonë është që të gjithë këta lojtarët të vijojnë të jenë pjesë e ekipit. Ne do t’iu ofrojmë kontrata të reja. Bisedimet kanë nisur, po diskutojmë me menaxherët e lojtarëve dhe shpresoj që sa më parë të arrihen marrëveshjet. Çka do të na bënte të ishim akoma dhe më të qetë dhe të ruanim ekuilibrat në skuadër për edicionin e ardhshëm.

Duhet të jemi të bashkuar. Jemi në fundin e sezonit. Duhet të mos kemi shqetësime të tilla, ndaj duhet që të mbyllen sa më shpejt akordet“, u shpreh trajneri i Manchester United.

Subscribe në YouTube: GAZETA INFOKUSI