Gati 5 mijë persona hoqën dorë nga shtetësia e Kosovës në 2021
![](https://gazetainfokus.com/wp-content/uploads/2022/01/auto_largea_pasaporta13546164301640597548-852x460.jpg)
Autori: Gazeta inFokus
07:01 | 06 January 2022
Pavarësisht se Kosova vazhdon të jetë një nga shtetet e reja të dala nga lufta, qytetarëve të saj shpesh herë iu vështirësohen punët në momentin e aplikimit për pajisje me dokumente shtetërore.
Shumë prej qytetarëve kanë mbetur ndër vite duke pritur për pajisje me shtetësi të Kosovës, anipse thuajse gjithë jetën e kanë kaluar këtu.
Por në kuadër të ligjeve të cilat ekzistojnë për marrjen e shtetësisë së Kosovës, shumë prej qytetarëve kanë vendosur edhe të heqin dorë prej saj.
Në kuadër të vitit që po lëmë pas, saktësisht në 11 mujorin e vitit 2021 janë gjithsej 4 mijë e 594 qytetarë të cilët janë liruar nga shtetësia e Republikës së Kosovës.
Kjo është bërë e ditur për lajmi.net nga Ministria e Punëve të Brendshme.
Pra në vitin 2021 ishin rreth 1 mijë persona më tepër të cilët hoqën dorë nga shtetësia kosovare krahasuar me vitin 2020.
“Gjatë periudhës Janar – Nëntor 2021, nga Shtetësia e Republikës së Kosovës, janë liruar 4594 persona. Në vitin 2020 nga Shtetësia e Republikës së Kosovës, janë liruar 3633 persona”, u tha në përgjigjen e MPB-së.
Por për dallim nga shifrat e larta të atyre që u tërhoqën nga shtetësia, numër i vogël i qytetarëve fituan shtetësinë.
Në periudhën mujore janar-nëntor 2021 janë vetëm 362 persona të cilët fituan shtetësinë e Kosovës.
Këta 362 qytetarë tashmë janë zyrtarisht fitues të shtetësisë së Republikës së Kosovës në kuadër të Ministrisë së Punëve të Brendshme e cila bën edhe pajisjen me dokumentet shtetërore.
“Gjatë periudhës Janar – Nëntor 2021, Shtetësinë e Republikës së Kosovës, e kanë fituar 362 persona”.
E një nga problemet më të shpeshta të kosovarëve me të cilën janë përballuar në periudhën vjetore të cilën po e lëmë pas është pamundësia e pajisjes me letërnjoftim.
Qytetarëve iu desh të prisnin me muaj të tërë për të marrë letërnjoftimin.
E gjithë kjo për shkak të mungesës shpesh herë të materialeve, e në disa raste edhe të vonesave në tenderim.
Por në periudhën 11 mujore të këtij viti, janar-nëntor ishin gjithsej 201 mijë e 354 letërnjoftime të cilat u lëshuan nga Ministria e Punëve të Brendshme.
“Letërnjoftime të rregullta të lëshuara gjatë periudhës Janar – Nëntor 2021 janë gjithsej 201,354. Ndërsa, letërnjoftime për të huajt janë lëshuar 2,746”, u tha në përgjigjen e MPB-së.
E qytetarëve të cilët punojnë në Kosovë, apo kanë aktivitete të ndryshme në territorin e Kosovës u duhet të pajisen me lejeqëndrim.
Por me lejeqëndrim shpesh herë u duhet të pajisen edhe atyre që për vite të tëra jetuan në Kosovë, disa prej tyre të ardhur nga Lugina e Preshevës, nga Shqipëria apo vendet përreth.
Për dallim për qytetarët e Shqipërisë të cilëve tashmë iu është lehtësuar pajisja me lejeqëndrim, ata të Luginës vazhdojnë të kërkojnë për vite me radhë lejeqëndrime të cilat zgjasin hiç më tepër se vetëm 1 vit.
E në periudhën janar-nëntor 2021, lejeqëndrim në Republikën e Kosovës kanë fituar 4 mijë e dy persona.
Nga Ministria e Punëve të Brendshme në vitin të cilin e lëmë pas janë lëshuar gjithsej 202 mijë e 426 pasaporta.
“Pasaporta të lëshuara gjatë periudhës Janar – Nëntor 2021 janë lëshuar gjithsej 202,426”.
Por sa i përket ndryshimit të procedurave ndër vite të pajisjes me lejeqëndrim, nga Ministria e Punëve të Brendshme është thënë se nuk ka pasur ndryshime dhe se fitimi i shtetësisë së Kosovës bëhet në kuadër të ligjit 04/L-215.
“Procedurat për Fitimin e Shtetësisë së Republikës së Kosovës nuk kanë ndryshuar, Fitimin e Shtetësisë së Republikës së Kosovës, e fitojnë bazuar në Ligjin 04/L-215 për Shtetësinë e Kosovës dhe Udhëzimin Administrativ (MPB) Nr. 05/2020 për Kriteret dhe Procedurat e Fitimit të Shtetësisë së Republikës së Kosovës. Ndërsa sa i përket Fitimit të Leje qëndrimit në Republikën e Kosovës, jemi në pritje të ndryshimit të procedurës së dhënies së Leje qëndrimit vetëm për shtetasit nga Shqipëria”, u tha nga MPB.
Duhet theksuar se nga të gjitha vitet e kaluara në kuadër të Kosovës pati më tepër largim nga shtetësia, sesa fitim të shtetësisë së Kosovës. E në vitin 2019, nga shtetësia e Republikës së Kosovës hoqën dorë mbi 5 mijë e 350 persona.
Shumë prej qytetarëve të cilët hoqën dorë nga shtetësia e Kosovës zgjodhën që të mbajnë shtetësinë në disa vende të huaja, të ngjashme si Gjermania, Zvicra apo vende të tjera të botës.
![](https://gazetainfokus.com/wp-content/uploads/2023/10/IMG_8290.png)
Të tjera
-
“Sulmuesị dyshohet se qëlloi nga një ndërtesë në afërsi të ngjarjes”, kjo është krejt çka dihet për ịncidentin në fushatën zgjedhore të Trump
Bota është shokuar me lajmin se një sulmues ka shtënë me armë në drejtim të k...
-
Biden: Jam duke u lutur për familjen e Trump, jemi mirënjohës që Shërbimi Sekret i ofroi atij siguri
Presidenti i Shteteve të Bashkuara të Amerikës, Donald Trump, ka reaguar pas ...
-
Eliminohet personi që qëlloi me ạrmë në fushatën e Donald Trump
Personi i cili dyshohet se e qëlloi kandidatin për President të Shteteve të B...
-
Ky është momenti i incidentit në fushatën e Donald Trump
Ish-Presidenti amerikan, Donald Trump, është qëlluar me armë në një tubim në ...
-
Reagon Donald Trump: Plumbị ma shpoi pjesën e sipërme të veshit të djathtë
Ish -Presidenti Donald Trump i ka shpëtuar të shtunën një tentim atentati nda...
-
Trumpi përgjạkur në vesh jashtë rrezikut për jetë, vrịtet personi që dyshohet se gjuajti me ạrmë
Prokurori i qarkut Butler, Richard A Goldinger ka konfirmuar për Associated P...
-
Lekaj pasi deputeti i VV’së tha se do t’i fitojnë 60% në zgjedhje: Deklaratë populiste, do të ketë befasi në zgjedhje
Deputeti nga radhët e Lëvizjes Vetëvendosje, Halil Thaqi, ka deklaruar se në ...
-
Presidentja Osmani publikon albumin e takimeve me zyrtarë të lartë në Washington D.C
Gjatë vizitës në Washington D.C., ku Presidentja Osmani u ftua nga Presidenti...
-
Hoxhaj: E shoh të pamundur bashkëpunimin me LVV-në
Nënkryetari i Kuvendit të Kosovës nga radhët e PDK-së, Enver Hoxhaj, thotë se...
-
Zjarr i madh në Suharekë, flakët përfshijnë edhe një trafo të rrymës
Një zjarr i madh ka kapluar një zonë fushore në fshatin Sopij të komunë...
-
Kurti viziton xhudistët e Kosovës para “Paris 2024”: Krenarë jemi, krenarë na bëni
Kryeministri i vendit, Albin Kurti, e ka vizituar Qendrën Nacionale të Xhudos...
-
Osmani takon sekretarin e ri të jashtëm britanik, nga ai pret bashkëpunim të ngushtë
Presidentja Vjosa Osmani, në margjinat e Samitit të NATO-s në Uashington D.C....