Uncategorized

Gasol: Të kuptojmë e vlerësojmë punën e WADA-s

Autori: Gazeta inFokus 09:43 | 06 August 2024

Pau Gasol, një anëtar i Komisionit të Lojtarëve të Komitetit Olimpik Ndërkombëtar (KON), i përshkroi si “të pafat” testet e shpeshta të dopingut që u janë nënshtruar notarëve kinezë dhe kërkoi respektimin e autoritetit të Agjencisë Botërore Anti-Doping (WADA dhe sistemin e tij të testimit.

“Nuk u gjet absolutisht asgjë [në teste] dhe nuk jam i sigurt nëse masa [testimi i notarëve kinezë dy ose tre herë më shumë se të tjerët] është i drejtë apo jo,” tha Gasol gjatë një konference për shtyp në Lojërat Olimpike Verore të Parisit 2024.

Që nga prilli, Agjencia Amerikane Anti-Doping(USADA) dhe disa media ndërkombëtare kanë publikuar raporte të shumta, në lidhje me një incident të kontaminimit të ushqimit që preku 23 notarë kinezë në vitin 2021. Këto rapotime janë kritikuar si një përpjekje për të minuar sistemin e testimit të WADA-s .

-Advertisement-

Gasol përshkroi njoftime të tilla mediatike “të diskutueshme” dhe u kërkoi njerëzve t’i besonin organit më të lartë të menaxhimit ndërkombëtar të anti-doping-ut.

“Në këndvështrimin tim, ne po përpiqemi të sigurojmëqë të gjithë të kuptojnë punën e WADA-s dhe ta respektojnë atë dhe të kuptojnë procesin e tyre, duke besuar në aftësinë saj për të mbajtur sportet tona të pastra”, tha Gasol.

Njoftimet e diskutueshme nga një numër mediash shtuan presione të konsiderueshme për ekipin kinez të notit që garon në Paris.

Organizatat anti-doping kanë testuar çdo notar kinez mesatarisht 21 herë që nga 1 janari. Numri ishte dukshëm më i lartë krahasuar me mesataren prej gjashtë herë për homologët e tyre amerikanë dhe katër herë për ata nga Australia, bëri të ditur në korrik organi drejtues i notit World Aquatics.

Gasol, i cili përfaqësoi ekipin spanjoll të basketbollit për meshkuj në pesë edicionet e Olimpiadës nga Athina 2004 deri në Tokio 2020, shprehu simpatinë për situatën e notarëve kinezë dhe vlerësoi bashkëpunimin e tyre me testet e dopingut.