Sport

Futbollisti turk paguan vet klauzolën për tu bashkuar me Skënderbeun

Autori: Gazeta inFokus 16:25 | 21 Gusht 2017

Mediat turke kanë bërë të ditur se sulmuesi 26-vjeçar, Batuhan Karadeniz, do të jetë përforcimi i radhës i skuadrës së Skënderbeut, shkruan Panorama.

Ndonëse korçarët kanë përforcuar radhët e tyre me mjaft emra cilësorë në repartin e avancuar, duket se ata kanë kërkuar edhe eksperiencën e futbollisti në fjalë i cili ka luajtur me kombëtaren t e moshave të Turqisë dhe dy ndeshje me përfaqësuesen A.

Karadeniz, i cili ka luajtur me skuadra të njohura si Beshiktash, Eksishehirsport, Trabzonspor, Sivaspor apo St. Galen, në sezonin e fundit ishte pjesë e Shanliurfaspor.

-Advertisement-

Ai ka arritur një marrëveshje me Skënderbeun dhe sipas mediave në Turqi, do të përfitojë 100 mijë euro në klubin shqiptar.

Klubi u ankua në Federatën Turke, por Karadeniz mbylli gjithçka vetë, duke paguar klauzolën e largimit prej 200 mijë lirash.