Lajme

Ftesa e Kurtit për darkë pune me opozitën, pranon PDK-ja dhe e refuzon LDK-ja e AAK-ja

Autori: Gazeta inFokus 09:22 | 12 May 2024

Kryeministri i vendit, Albin Kurti, i ka komentuar përgjigjet e partive opozitare për ftesën e tij për darkën e punës ku temë e diskutimit pritet të jetë agjenda legjislative e kuvendit.

Kurti tha se është i interesuar që të takohet me të gjithë, teksa shtoi se “mendova se është më së miri që të takohemi të gjithë së bashku.

“Ta shohim tash, unë jam i interesuar që të takohem me të gjithë dhe mendova se është më së miri që të takohemi të gjithë së bashku. Unë jam gjithnjë i hapur, i interesuar, i gatshëm dhe këtë e kam treguar edhe në të kaluarën, e do ta tregojë edhe në ditët, javët e muajt në vijim. Tash që kemi hyrë në vitin e fundit të mandatit qeverisës”, tha Kurti për RTV Besa.

-Advertisement-

Partia Demokratike e Kosovës iu përgjigj pozitivisht ftesës për darkë. LDK e kundërshtoi atë duke e quajtur si “përpjekje të vonshme”, teksa AAK tha se për temën e propozuar për diskutim mund të flitet në kuadër të shefave të grupeve parlamentare.

Kurti ftoi opozitën për t’u takuar për të diskutuar rreth përmbushjes së agjendës legjislative për sesionin pranveror.

Subscribe në YouTube: GAZETA INFOKUSI
Etiketa:
Për Festën e Bajramit, ZBRITJE deri n’KUPË t’QIELLIT!
-Advertisement-

Të tjera

Fokusi

lajme