Lajme

FSK vazhdon kërkimin për qytetarin që dyshohet se u hodh nga “Ura e Fshejt”

Autori: Gazeta inFokus 11:07 | 28 January 2021

Ekipet e Kërkim Shpëtimit në Ujëra  të Forcës së Sigurisë së Kosovës ( FSK ), gjatë ditës së djeshme kanë filluar me operacionin  e kërkimit  për gjetjen e trupit të  50 vjeçarit i cili është parë të  hidhet nga “Ura e Fshejt” në Gjakovë.

Kërkimet nga njësit e zhytësve  të FSK-së së bashku me ekipet e Policisë kanë ndërprerë  operacionin dje në orët e mbrëmjes për shkak të kushteve të vështira për kërkim, për  të vazhduar  sot  që  në orët e hershme të  mëngjesit. Për shkak të ujit të turbullt dhe të rrëmbyeshëm ky operacion paraqet  rrezikshmëri të lartë për personelin e angazhuar.

“Pjesëtarët e FSK -së janë të gatshëm dhe të përgatitur profesionalisht për misione të tilla. Ata janë të përkushtuar dhe në mbështetje të plotë të autoriteteve civile deri në gjetjen e personit”, njofton FSK.

-Advertisement-

 

Subscribe në YouTube: GAZETA INFOKUSI
Comodita në Gjermani shpalos koleksionin e produkteve të reja në panairin Heimtextil në Frankfurt

Të tjera

Fokusi

lajme