Një artist indian përdori inteligjencën artificiale dhe krijoi imazhe të disa prej njerëzve më të pasur në planet, të cilët i veshi me lecka dhe i bëri të jetonin në lagje të varfëra.

Imazhet e mrekullueshme të krijuara nga artisti indian Gokul Pillai tregojnë portretet e Donald Trump, Elon Musk, Mark Zuckerberg, Warren Buffett, Bill Gates dhe Jeff Bezos si “të varfër”.

Pillai tha për DailyMail.com se ai përdori programin e inteligjencës artificiale Midjourney për të krijuar portretet e tyre duke përdorur gjithashtu photoshop.

-Advertisement-

Frymëzimi, tha ai, erdhi nga filmi klasik indian ‘Slumdog Millionaire’ të cilin e pa përsëri. “Ishte shumë rastësi. Filmi zhvillohet në lagjet e varfra të Indisë dhe unë doja të bëja diçka të bazuar në këtë”, tha Pillai.

“Fjala “milioner” në titullin e filmit dhe ballafaqimi i saj me miliarderët aktualë, kështu filloi”.

Në kolazhin fotografik, biznesmeni amerikan dhe bashkëthemeluesi i Microsoft, Bill Gates, 67 vjeç, shihet pa këmishë dhe i veshur vetëm me pantallona gri si thes, duke qëndruar jashtë një kasolle.

Imazhi i Gates pa para – ai është njeriu i katërt më i pasur në botë – sipas Bloomberg News, ka mbledhur më shumë se 10,000 pëlqime.

Ish-presidenti i 45-të i SHBA-së, Donald Trump, 76 vjeç, duket i zhveshur dhe i varfër. Biznesmeni miliarder indian Mukesh Ambani, 65 vjeç, vesh një bluzë të ndyrë dhe pantallona blu dhe qëndron pranë një ambienti të rrënuar.

Pillai postoi imazhet e krijuara nga AI të premten duke pyetur ndjekësit e tij: “A më ka munguar dikush në listë?”

Pamjet që ai postoi u bënë virale, duke krijuar një stuhi në rrjetet sociale me një koment: “Kjo është epike”.

Artisti, i cili jeton në Mysore, Indi dhe ka më shumë se 36,000 ndjekës në Instagramin e tij, tha për DailyMail.com se ai ishte “i mbingarkuar nga përgjigja”.

“E dija se do të ishte qesharake dhe pak njerëzve mund t’ju dukej qesharake. Por përgjigja që mora ishte e paprecedentë! Ai është shumë i lumtur”. Kur u pyet se cili imazh ishte më i popullarizuari, ai tha: “Ndoshta Bill Gates”.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-