Lajme

Formohet Shoqata e Grave brenda Shërbimit Korrektues të Kosovës

Autori: Gazeta inFokus 17:51 | 04 September 2018

Brenda Shërbimit Korrektues të Kosovës është formuar Shoqata e Grave të Shërbimit Korrektues të Kosovës.

Kryetare e kësaj shoqate është zgjedhur Zyrafete Imeraj, shkruan gazeta inFokus.

Në komunikatën e SHKK-së thuhet se qëllimi i kësaj shoqate është fuqizimi i pozitës se gruas dhe promovimi i barazisë gjinore.

-Advertisement-

“Sot nga Grupi punues në Shërbimin Korrektues të Kosovës , u formua Shoqata e Grave të Shërbimit Korrektues të Kosovës e cila për qëllim dhe mision ka fuqizimin e rolit dhe pozitës së Gruas në Shërbimin Korrektues të Kosovës, promovimin e barazisë gjinore, zhvillimin profesional dhe promovimin ndërkombetar të Grave të këtij Shërbimi.”, thuhet në komunikatën e SHKK-së.

Gjatë kësaj ceremonie të pranishëm ishin edhe Drejtori i Përgjithshëm i Shërbimit Korrektues të Kosovës, Nehat Thaçi si dhe Zëvendës Shefi i Misionit te EULEX-it, Bernd Thran, Igballe Rugova Drejtoreshë ekzekutive, Rrjeti i Grave të Kosovës, Lina Andeer , Këshilltare për barazi gjinore në EULEX , Faith –Lihic Annette, Këshilltare kryesore poltike/Koordinatore ekzekutive PSBE, si dhe Alban Muriqi, menaxher I Projektit nga QKRMT.

Kryetarja dhe nënkryetarja e kësaj shoqate janë zgjedhur me vota të fshehta.

“Pas një votimi të fshehtë dhe të sigurt me shumicë votash, Kryetare e kësaj shoqate është zgjedhur, Zyrafete Imeraj, nënkryetare. Leonora Sahit si dhe sekretare, Shpresa Murati”, thuhet në komunikatë./inFokus