Sport

Formacioni më i dobët i Premier League, United e Arsenal “bëjnë ligjin”!

Autori: Gazeta inFokus 13:01 | 14 May 2019

Manchester City kampion, Liverpool i dyti, elozhe pa fund për dy ekipe që bënë histori këtë sezon, duke shkuar pranë kuotës 100 pikë në Premier League.

Megjithatë, në hijen e dy klubeve më të mirë të sezonit qëndrojnë shumë klube dhe yje që nuk i përmbushën pritshmëritë.

SPORT BILD, duke qenë neutral dhe jashtë futbollit anglez, ka përpiluar formacionin më të dobët të sezonit në Premier League, ku nuk ka kursyer as “miqtë” e vet, Max Meyer, Andre Schürrle e Shkodran Mustafi, futbollistë të formuar në Bundesligë dhe pjesë e kombëtares gjermane.

-Advertisement-

Portieri më i dobët i sezonit është përzgjedhur David de Gea, një dështim total, ashtu si Manchester United.

Në mbrojtje janë përzgjedhur veterani i Chelseat Gary Cahill, Shkodran Mustafi, tashmë armik për tifozët e Arsenalit dhe Caglar Söyüncü, zhgënjyes te Leicester.

Në mesfushë janë përzgjedhur Max Meyer (Crystal Palace), një futbollist që premtonte shumë pas largimit nga Schalke, por nuk u ambientua në Angli. Fred i Manchester United e meriton plotësisht vendin në formacionin e dështimeve, pasi ishte blerja më e shtrenjtë e sezonit dhe nuk u duk fare.

Natyrisht, nuk mund të mos përzgjidhet Paul Pogba, kampioni i botës që te United më shumë po krijon probleme, sesa lojë e gola. Diskutim thuajse identik edhe për Mesut Özil, i cili që pas Kupës së Botës duket se ka marrë fund si futbollist.

Sezon i dështuar edhe për Andre Schürrle, i cili me Fulhamin nuk bëri asgjë. Zhgënjyes edhe kampioni i botës Olivier Giroud, i cili nuk u kthye dot në pikë referimi te Chelsea, edhe pse Morata e më pas Higuain u paraqitën shumë dobët. Në fund, supërdështimi i sezonit: Alexis Sanchez, futbollist me një pagë të frikshme, por që te Manchester United dukej si një pensionist që ecte në fushë.