Sport

Formacioni i Shqipërisë kundër Skocisë

Autori: Gazeta inFokus 15:09 | 17 November 2018

Eros Grezda pritet të jetë titullar sonte në “Loro Boriçi” ndaj Skocisë.

Pikëpyetja më e madhe për këtë takim, ishte mbi Eros Grezdën, i cili gjatë të gjithë javës është stërvitur veçmas skuadrës, e vetëm në orët e fundit iu bashkua asaj dhe duket se tani është gati.

Mësohet se Grezda, me shumë mundësi do të jetë titullar në këtë ndeshje, për të mbështetur Bekim Balajn më të avancuar në sulm, së bashku me Uzunin.

-Advertisement-

Për sa i përket reparteve të tjera, Thomas Strakosha do të jetë në portë; Berat Gjimshiti e Mërgim Mavraj në qendër të mbrojtjes, në krahun e majtë do të jetë Binaku, ndërsa në të djathtin, Veseli duket se do të zëvendësojë Hysajn e s’kualifikuar.

Reparti i mesfushës, me siguri do të përbëhet nga Xhaka, Kaçe që merr vendin e Bashës, edhe ky i s’kualifikuar, si dhe Memushaj.

Sfida mes Kombëtares shqiptare dhe Skocisë do të luhet në orën 20:45 dhe është vendimtare për Shqipërinë, që rrezikon jo pak të zbresë në Ligën D të Ligës së Kombeve.

Kombëtarja duhet që të fitojë 4-0 ndaj Skocisë dhe të shpresojë në një fitore minimale të kësaj të fundit me Izraelin, për të siguruar vendin e parë në grup dhe të kualifikohet për në “Final Four” të Ligës C.

Subscribe në YouTube: GAZETA INFOKUSI
Black Friday ne Artmotion
-Advertisement-

Të tjera

Fokusi

sport