Forcat e armatosura gjermane paralajmërojnë përshkallëzim në Kosovë
Autori: Gazeta inFokus 07:33 | 14 December 2022
Shefi i kontingjentit gjerman të KFOR-it, kolonel Egon Frank, paralajmëroi një përshkallëzim mes tensioneve të përtëritura në Kosovë.
“Aktualisht ekziston një rrezik i përhershëm që situata e sigurisë të përkeqësohet në kohën më të shkurtër të mundshme”, tha ai për botimin gjerman “Welt”.
Shefi i kontingjentit gjerman sqaroi se në veri të Kosovës ekziston një nivel i lartë i zhgënjimit për situatën e përgjithshme.
Kjo e fundit, formon një bazë të vazhdueshme “për përshkallëzime të mundshme dhe potencial për dhunë”.
Sipas tij, situata e brishtë në veri është për shkak të “krimit të organizuar, strukturave paralele serbe dhe potencialit të pandryshuar për konflikt ndëretnik”.
Përveç kësaj, populli në veri të Kosovës përdoret “si instrument i ndikimit serb nga aktorë të ndryshëm”, shtoi Frank.
Koloneli gjerman garantoi se operacioni ushtarak ndërkombëtar i udhëhequr nga NATO, KFOR-i është “i detyrueshëm dhe i domosdoshëm për sigurimin e paqes dhe stabilizimin e situatës në terren”.
Ndryshe, në veri të Kosovës serbët kanë vendosur barrikada në së paku gjashtë lokacione në shenjë proteste ndaj arrestimit të ish-pjesëtarit të Policisë së Kosovës, Dejan Pantiç.
Tensionet janë rritur që nga 6 dhjetori, kur u dëmtuan zyrat e Komisionit Komunal të Zgjedhjeve në Mitrovicë të Veriut dhe Zubin Potok.
Që nga ajo kohë, në komunat me shumicë serbe, ka pasur të shtëna me armë zjarri, hedhje të granatave dhe shok bombave, ndërsa gjatë patrullimit, një zyrtar policor u plagos lehtë gjatë një sulmi në Zveçan më 8 dhjetor.
Normalisht, gjendja e sigurisë në tërë Kosovën, veçanërisht në veri, është përgjegjësi e forcave të sigurisë kosovare – pra policisë dhe policisë kufitare, shpjegon Frank.
EULEX, misioni i BE-së për sundimin e ligjit në Kosovë, po mbështet forcat e sigurisë. Ai përfshin oficerë policie, gjyqtarë, roje burgje dhe doganierë. Një nga patrullat e tyre u sulmua me një granatë trullosëse në fundjavë, tha Eulex. Nuk ka pasur të lënduar apo dëme.
Koloneli gjerman thotë se forcat nga misioni i NATO-s, KFOR mund të vendosen vetëm në situata ekstreme, pra kur situata kërcënon të përshkallëzohet.
Përparësia e ushtarëve ndërkombëtarë është se ata janë të respektuar nga popullata, ndërsa në veçanti minoriteti serb reagon në mënyrë të dyshimtë dhe ndonjëherë edhe agresive ndaj policëve të Kosovës.
Për shkak se ato perceptohen si të paanshme, “trupat e KFOR-it njihen dhe respektohen nga publiku i gjerë”, nënvizon Frank.
Detyrat e ushtarëve ndërkombëtarë përfshijnë gjithashtu krijimin e një mjedisi të sigurt për të vazhduar negociatat politike midis Beogradit dhe Prishtinës, e cila mbështetet nga BE-ja, sipas Frank.
Kancelari Federal Olaf Scholz kishte deklaruar në qershor se zgjidhja e çështjes së Kosovës – pra njohja reciproke – ishte një parakusht për anëtarësimin në BE për të dyja vendet./Albanianpost
Të tjera
-
Mbrojtja propozon të kryhet ekspertizë e re psikiatrike ndaj të akuzuarit për vrạsjen e vëllait
Në seancën e së premtes në Gjykatën Themelore në Mitrovicë, mbrojtësja e të a...
-
Sarrazin i kërkon Qeverisë t’i heq masat ndaj mallrave serbe, flet për pasoja të rënda në rast të refuzimit
Manuel Sarrazin, emisar i Gjermanisë për Ballkanin Perëndimor ka bërë një ana...
-
Gjermania hap dyert për 250 mijë emigrantë të këtij vendi
Gjermania do të hapë dyert për 250 mijë punëtorë kenianë të kualifikuar dhe g...
-
“Qëllimi jonë është Islamizimi i Kosovës e Preshevës. Unë nuk jam shqiptar”, hoxha nga Sanxhaku me deklaratë të rrezikshme
Një hoxhë nga Sanxhaku, që flet shqip ka mbajtur sot një tubim në Luginën e P...
-
Lista preliminare e provimit për prokurorë të shtetit
Këshilli Prokurorial i Kosovës shpall listën preliminare të provimit të kandi...
-
REL: Kosova dhe Serbia kanë konfirmuar pjesëmarrjen në takimin e 17 shtatorit
Burimet e Radios Evropa e Lirë në Bashkimin Evropian kanë thënë se presin që ...
-
Ra nga kati i tretë i objektit ku punonte, vdes 48 vjeçari në Prizren
Një person ka vdekur sot në vendin e tij të punës. Rasti ka ndodhur në Pri...
-
Parlamentari serb: Vuçiq shpalli kapitullimin në Kosovë
Deputeti opozitar në Parlamentin e Serbisë, Zdravko Ponosh, ka reaguar pas ko...
-
Haziri pas konferencës së Vuçiqit: Kosova mos të bie në hendekun e Serbisë
Nënkryetari i LDK-së, Lutfi Haziri, ka reaguar pas konferencës që mbajti pres...
-
Incidenti në veri, kthehen afishet, tash pro-Radoiçiqit
Sikur fotografia, me kujdes janë zgjedhur edhe fjalët. Kryeterroristit Mil...
-
Kurti me videolidhje pjesë e panelit ku ishte edhe Lajçak – akuza Vuçiqit se e përdor Kosovën dhe Bosnjën për të siguruar lëshime nga Perëndimi
Gjatë paradites së 13 shtatorit, kryeministri i Kosovës, Albin Kurti, me vide...
-
Përkundër që ndau rrugët me Vetëvendosjen, Fatmir Humolli përkrah qeverisë për veriun
Deputeti Fatmir Humolli ka një kohë që i ka ndarë rrugët me Lëvizjes Vetëvend...