Lajme

Flet babai i nxënëses nga Ferizaj e cila akuzon mësuesin për sulm seksual (Video)

Autori: Gazeta inFokus 20:34 | 15 May 2017

Një nxënëse e shkollës fillore ‘Ahmet Hoxha’ në Ferizaj e akuzon mësimdhënësin e saj se e ka sulmuar seksualisht. Rasti është duke u hetuar nga policia dhe menjëherë për mësimdhënësin është shqiptuar masa e suspendimit nga shkolla. Ky mësimdhënës edhe më herët ishte akuzuar për vepër të njëjtë.

Të enjten e javës së kaluar familja Ademaj u njoftua nga vajza 11 vjeçare se mësuesi e kishte sulmuar seksualit në shkollë.

Babai i 11 vjeçares thotë se menjëherë kishte shkuar në shkollë për të kuptuar ndodhin dhe aty kishte takuar mësimdhënësin Mustafë Salihu. Nuk e mohon se ka dashur ta rrahë atë për këtë arsye.

“S’mujshim me folë se kajke vajza. Kam shku drejt në shkollë dhe e kam sulmu mësuesin”, tha Agim Ademaj, babai i nxënëses për KTV’në.

Ndërsa gjyshi i 11 vjeçares akuzon komplet sistemin mësimor në vend pasi rastet e tilla nuk dënohen fare dhe sipas tij, lënë vend për përsëritje.

                                                                                     

“Unë nuk i kuptoj këto gjana qysh mun, pa marrë parasysh, si drejtori i Arsimit si Ministri i Arsimit, si policia, si gjykata, si prokurori, qysh munden ta lirojnë një njeri të tillë”, tha Safet Krasniqi.

Familjarët thonë se sa ishin në polici u njoftuan se mësimdhënësi Mustafë Salihu ishte i ngarkuar edhe më parë për një vepër të njëjtë, por që kishte dalë i pafajshëm.

Drejtori i Arsimit i Komunës së Ferizajt Muhamet Halili, ka thënë se mësimdhënësi në fjalë është suspenduar dhe derisa rasti të zgjedhet ai nuk do të kthehet në vendin e tij të punës.

Halili e pohoi se mësimdhënësi rreth dy vjet më parë ishte suspenduar për shkak se akuzohej për një vepër të llojit të njëjtë, por meqë kishte dalë i pafajshëm, Komuna e kishte rikthyer në punë duke ia ndërruar shkollën.

E policia thotë se po vazhdon të hetojë këtë rast.

Familjarët e kanë dërguar në shkollë vajzën e tyre por thonë se gjendja emocionale e saj ende nuk është e qetë.

Etiketa:
Marsi sjellë Magjinë në ETC

Të tjera

Fokusi

lajme