Fjalori i burrave politikanë në Kosovë ndaj grave (Video)
Autori: Gazeta inFokus 16:25 | 08 March 2018
Në Kuvendin e Kosovës sot po mbahet seancë e jashtëzakonshme për dhunën në familje kur njëherit është edhe Dita Ndërkombëtare e Gruas, 8 Marsi.
Para se të fillonte seanca, deputetë të Kuvendit të Kosovës, janë fotografuar me bluza me moton ‘Ti je lulediell’, shkruan Periskopi.
Por, cili ka qenë diskursi i burrave deputetë nga Kuvendi i Kosovës përgjatë viteve, por edhe jashtë tij?
Gjatë një interpelance të mëhershme lidhur me gjuajtjen me armë të një ministri të Qeverisë, deputetët kishin përdorur një diskurs tërësisht patrirakal, duke arsyetuar gjuajtjen me armë si formë gëzimi ‘kur lind ndonjë djalë’.
‘Të gjithë kemi gjujtë najherë me allti kur na lindë naj djalë mas 5 çikave’ pati thënë Memli Krasniqi i PDK’së.
Periskopi ju sjell top deklaratat kur burrat politikanë në Kosovë përdorën fjalët më fyese ndaj grave, qofshin ato politikane ose aktiviste politike.
Haradinaj – Kusari Lilës: Unë nuk di me vallëzu para Gadafit
Rasti më i freskët është ai mes kryeministrit Ramush Haradinaj dhe deputetes Mimoza Kusari Lila.
Derisa në një seancë të Kuvendit po diskutohej për resorin ekonomik, Kusari Lila pati akuzuar kryeministrin se nën udhëheqjen e tij po i dëmton marrëdhëniet e mira që Kosova i ka me shtetet fqinje, e sidomos me Shtetet e Bashkuara të Amerikës.
Haradinaj është kthyer prapa në histori, në një takim që zëvendësi i tij në qeveri, Behgjet Pacolli, vite më parë kishte organizuar një vizitë në Libi, te presidenti i asaj kohe, Muammar Gaddafi. Atje ishte organizuar ndej për disa ditë me radhë, e pjesë e delegacionit kishte qenë edhe Mimoza Kusari Lila, atëkohë nënkryetare e AKR-së, partisë së Pacollit.
“Unë nuk di të vallëzojë para Gaddafit”, i ka thënë si kundërpërgjigje Haradinaj, ndaj akuzës së Kusari Lilës për kritikën e saj.
Kadri Veseli: Në Kosovë gratë mund të bëjnë gjithçka dhe ‘Ma hanksh… ‘
Para një viti, kryeparlamentari dhe kryetari i PDK’së, Kadri Veseli, kishte realizuar një klip në vazhdën e ‘Turit të tij të dëgjimit’, ku më 8 mars takon disa nga gratë e suksesshme në Kosovë.
“Në Kosovë, gratë kanë potencial të jashtëzakonshëm dhe mund të bëjnë gjithçka. Sot do të takoj disa prej tyre…”
Veseli, në diskursin e tij gjatë fushatës elektorale, vazhdimisht përsëriste një fjali: “sa më shumë gra në vendimmmarrje’.
Mirëpo, para se të mbaheshin zgjedhjet e fundit, në kohën kur kishte përplasje të mëdha pozitë e opozitë për çështjen e demarkacionit me Malin e Zi, Veseli kishte fyer rëndë deputeten e Lëvizjes Vetëvendosje, Albulena Haxhiu.
Ai i ishte drejtuar Haxhiut me fjalinë ‘Ma hanksh..”
Isa Mustafa: Gra që kullosin…
Gjatë kohës sa ishte kryeministër, Isa Mustafa mbahet mend për dy veprime banale ndaj grave.
Në përvjetorin e themelimit të Forumit të Gruas së LDK’së, i cili është pikërisht më 8 mars, derisa po fliste Mustafa në cilësinë e kryeministrit dhe kryetarit të LDK’së, një aktivisteje të LDK’së, i ishte ndërprerë fjala.
“Një veprimtares vjeare nuk i jepet fjala atëherë cka po dojnë, po i marrin prej rrugëve dhe po i sistemojnë dhe unë nuk kam të drejtë me thanë mendimin tem ose me ba një pyetje”, kishte thënë Naxhije Bajrakari, aktiviste disavjeçare e LDK’së.
Mustafa, mbahet mend edhe për fjalinë e tij ‘për gratë që kullosin fonde’.
“Amerika nuk e lëshon (Kosovën), sepse pjesa dërmuese e qytetarëve të Kosovës e duan Amerikën. Ata që ‘frikësohem’ se mos po e lëshojnë Kosovën pasi i ka lëshuar mendja, janë disa gra që i kanë kullotë të gjitha fondet e mundshme nga perëndimi”, kishte shkruar Mustafa.
Pas këtij postimi, kishte pasur një lumë reagimesh nga shoqëria civile, ku më pas, Mustafa kishte ndërhyrë në status, duke fshirë pjesën e ‘grave që kullosin’.
Thaçi me gruan në pazar
Në kohën sa ishte kryeministër, presidenti i tanishëm Hashim Thaçi shquhet për fotografitë e tij me gruan në pazar.
Mediat patën raportuar se ‘Thaçi kishte kohë që nuk ishte parë me gruan’.
Por ai kishte zgjedhur që me gruan të shfaqej pikërisht në pazar dhe të jepte mesazhin se ‘darka dhe dreka në shtëpi janë të mirëseardhura’.
“Tregu i lagjes sonë ka mjaft produkte të freskëta vendore. Zoti e bekoftë këtë tokë tonën. Për shkak të obligimeve, nuk më bjen shpesh të dal me Lumen, por ka ditë kur thjesht kam dëshirë të ndaj kohë bashkëshortes dhe shtëpisë. Drekat dhe darkat në shtëpi janë më se të mirëseardhura. Pas tregut koha është për kafen e mëngjezit” kishte shkruar Thaçi në Facebook.
Sabri Hamiti: Oj zojë mos klith
Në kohën kur ishte nënkryetar i Kuvendit dhe ish-deputet i LDK’së, Sabri Hamiti njihet për fjalinë e tij drejtuar Albulena Haxhiut : ‘Oj zojë mos klith’.
“Oj zojë mos bërtit, mos klith” i ka thënë Hamiti deputetes Haxhiu.
Sami Kurteshi Dhurata Hoxhës: Lopa ‘transparente’
Vazhdës së fjalorit fyes ndaj grave, i është bashkuar edhe deputeti i Vetëvendosjes Sami Kurteshi, dikur edhe Avokat i Popullit.
Ai e kishte quajtur Dhurata Hoxhën, atëkohë minister e Drejtësisë ‘lopë’.
“Sonte ne Rubikon është duke folur lopa “transparente” quajtur ministre ne Kosovë, e cila është pjesë e klikës vrastare të kësaj qeverie fashiste vrastare!”, kishte shkruar ai
Të tjera
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...
-
Mërgimtarët dërguan 112 milionë euro në Kosovë gjatë muajit mars
Mbi 112 milionë euro është vlera e dërgesave të mërgatës që janë sjellë në Re...
-
Shtatë raste të dhünës në familje në 24 orët e fundit në Kosovë
Shtatë raste të dhunës në familje janë raportuar në 24 orët e fundit në Kosov...
-
Përmbytjet vdekjeprurëse të Dubait, shkencëtarët bëjnë zbulimin e frishkëm! Një nga shkaktarët kryesor të kësaj katastrofe është…
Shiu rekord që ra mbi Emiratet e Bashkuara Arabe dhe Oman këtë muaj, duke shk...
-
Çitaku: Vetëvendosje në zgjedhjet e ardhshme do të jetë në opozitë
Sekretarja e përgjithshme e PDK-së, Vlora Çitaku tha se subjekti politik ku ...