Finalja e Europa League, Mourinho dhe Roma sfidojnë Sevillan
![](https://gazetainfokus.com/wp-content/uploads/2023/05/1-16-852x460.jpg)
Autori: Gazeta inFokus
10:16 | 31 May 2023
Trofeu i parë Europian i këtij sezoni vendoset këtë të mërkurë. Në Pushkash Arena të Budapestit, luhet finalja e Europa League, Sevilla – Roma, takim që do të mund ta ndiqni live në Supersport 2, jo vetëm ndeshjen që starton në 21.00 por edhe vigjiljen e ndezur e padyshim dhe momentet e triumfit dhe intervistat e protagonistve në emisionin e dedikuar Europa League.
Skuadra më e suksesshme në historinë e këtij kompeticioni, Sevilla ka shansin për të ngritur trofeun për herë të 7-të, por misioni është i vështirësisë maksimale, përballë është Jose Mourinho me armatën verdhekuqe, që pas suksesit një vit më parë në Tiranë në finalen e Konferencë League kërkon t’i dhurojë skuadrës së “qytetit të përjetshëm” një tjetër trofe europian. Nëse triumfon Murinjo do të bëhej i pari trajner që e fiton këtë kompeticion me 3 skuadra të ndryshme, pasi ja ka dalë me Porton në 2003 dhe me Manchester United në 2017-ën.
Janë të gjithë përbërësit për një sfide perfekte mes dy skuadrave që këtë vit kanë dhuruar performanca të shkëlqyera në Europa League duke fokusuar aty energjitë e tyre. 6 herë fituesit e Europa League, Sevilla kanë eleminuar kundërshtarë si Manchester United apo Juventus, ndërsa Murinjo edhe pse me kundërshtarë jo kaq të famshëm ka bërë maksimumin me një organikë të reduktuar, duke i treguar sërish vendin Feyenoord apo duke eleminuar Leverkusenin e futbollit të bukur.
Andaluzianët e kanë fituar kompeticionin çdo herë që kanë arritur në finale, me suksesin e parë që erdhi në 2006 kur kapiteni aktual Jesus Navas luajti pjesën e tij në triumf si një djalosh 20-vjeçar, dhe tani skuadra më e sukseshmë në historinë e këtij kompeticioni kërkon rekordin në udhëtimin drejt Hungarisë që pret të parën finale europiane që nga 1985.
Duke eleminuar Manchester United dhe Juventusin gjatë rrugëtimit Sevilla në gjysëmfinale siguroi suksesin e 25 në 28 ndeshje në Ramon Sanchez Pizjuan, por tani duhet të tregojnë forcën në terren neutral.
Spanjollët kanë patur një kampionat të vështirë në La Liga, ku nën drejtimin e teknikut bask, Jose Luis Mendilibar larguan kërcënimin e një rrëzimi nga Kategoria , duke ndryshuar fatin e tyre.
Sevilla ka humbur vetëm 2 ndeshje në kampionat që kur mori në drejtim Mendilibar, dhe në të vetmin rast që janë përballur me Romën në Europa League, ishin spanjollët ata që avancuan në 1/8 e kompeticionit në 2020 para se të ngrinin trofeun për herë të 6-të.
Por kujdes, Roma ka një armë të fortë te Murinjo, një trajner i një niveli shumë më të lartë se Mendilibar që i ka fituar 5 trofe madhorë të Uefas deri më tani.
Nëse Roma fiton këtë të mërkurë Murinjo do të bëhej trajneri më i suksesëshëm në historinë e gjatë të kompeticionit europian, duke kaluar maestron italian Giovanni Trapatoni, dhe pasi i udhëhoqi verdhëkuqtë drejt fitores së Conferencë League në Tiranë vitin e kaluar Murinjo do të jetë i vetmi që e fiton Europa League me 3 skuadra të ndryshme, jo vetëm kaq, Roma e tij që arriti deri këtu tani mund të bëhet një skuadër që fiton 2 vite radhazi një trofe kontinental.
Ndaj Leverkusen Murinjo kaloi me një gol të vetëm, të shënuar nga i riu Edoardo Bove në Olimpico, duke e mbrojtur atë me stoicizëm dhe stilin e tij të zakonshëm në Gjermani në ndeshjen e kthimit.
Në vendin e 6-të në Serie A ku mbetet edhe një ndeshje, Roma më së shumti mund të përfundojë e pesta në kampionat, por si fitues eventual të Europa League verdhekuqtë do të fitonin hyrjen direkte në grupet e Champions për sezonin e ardhshëm, dhe me skuadrën që ka ceduar në kampionat, Murinjo duket se ka vënë bast gjithçka për finalen e Pushkas Arena.
Për sa i përket formacioneve, pasi ka qenë portieri i Sevillas në Kupë që kur arriti Jose Luis Mendilibar, Yassine Bounou do të zëvendësojë Dmitrovic mes shtyullave, teksa skuadra do të ketë shumë ndryshime në krahasim me formacionin që u mund nga Reali në kampionat të shtunën. Ndërkohë që Joan Jordan dhe Suso i kanë kaluar dëmtimet, mbeten në dyshim Tanguy Nianzou dhe Marcao, teksa Acuna është i pezulluar por gjithsesi Mendilibar nuk i mungojnë opsionet për të zgjedhur.
Si kapiten i fomacionit të mundshëm 4-2-3-1 Jesus Navas do të jetë 37 vjec e 191 ditë këtë të mërkurë duke u bërë lojtari më i vjetër që niset si titullar në një finale të Kupës Uefa apo Europa League që nga 2008 kur dicka të tillë e bënte David Ëeir për Rangers. Në sulm pritet të jetë Youssef En-Nesyri, lojtari nga Marko shënoi dy herë në fitoren në cerekfinale ndaj Manchester United dhe një herë ndaj Juventusit në gjysëmfinakle.
Te Roma, që i ka vuajtur shumë dëmtimet, vëmendja më e madhe është për Paolo Dybala që sipas lajmeve të fundit ja ka dalë të jetë në dispozicion, pasi ka marrë miratimin nga stadi mjekësor. I Rikuperuar nga një dëmtim që pësoi ndaj Atalantës muajin e kaluar, argjendinasi mund të jetë gati të japë kontributin e tij nga stoli.
![](https://gazetainfokus.com/wp-content/uploads/2023/10/sami1.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...