Sport

Fillon shitja e biletave për ndeshjen, Kosovë – Gjeorgji

Autori: Gazeta inFokus 12:07 | 09 October 2021

Para pak minutave ka filluar shitja e biletave për ndeshjen ndërmjet Kosovës dhe Gjeorgjisë, që do të luhet në kuadër të kualifikimeve për Kupën e Botës “Katar 2022”, shkruan Gazeta inFokus.

Saktësisht shitja e biletave ka filluar nga ora 12:00 në të gjitha pikat e Artmotion.

Në bazë të masave anti-covid të qeverisë së Kosovës në këtë takim do të lejohet shfrytëzimi 30 përqind i kapacitetit të stadiumit.

Një person mund të blejë deri në 2 bileta me letërnjoftim.

Çmimet e biletave janë sikurse në ndeshjet e kaluara: Perëndim 20 euro, Lindje 10 euro, Veri dhe Jug 5 euro.

Përballja mes Kosovës dhe Gjeorgjisë zhvillohet të martën nga ora 20:45 në stadiumin “Fadil Vokrri” në Prishtinë./Gazeta inFokus/

Të tjera