Lajme

Fillon aksioni për dhurimin e gjakut në FSK (Foto)

Autori: Gazeta inFokus 15:55 | 24 January 2018

Bazuar në planin e veprimit për vitin 2018 të Departamentit për Bashkëpunim Civilo-Ushtarak dhe Departamentit të Mjekësisë në MFSK, në koordinim me Qendrën Kombëtare të Transfuzionit të Gjakut të Kosovës (QKTGJK), sot në Ministrinë për Forcën e Sigurisë së Kosovës filloi aksioni humanitar për dhurimin e gjakut.

Këtij aksioni iu përgjigjen një numër i madh i pjesëtarëve të FSK-së dhe stafit civil të Ministrisë për FSK-në.

Ndër të parët që iu përgjigjen këtij aksioni humanitar ishte zëvendësministri i MFSK-së, Burim Ramadani dhe shumë oficerë të lartë dhe stafit civil të Ministrisë.

-Advertisement-

“FSK-ja gjithmonë i përgjigjet jo vetëm aksioneve të organizuara për dhurimin e gjakut, por edhe sa herë paraqitet nevoja dhe bëhen thirrje individuale për ndihmë përfshirë edhe dhurimin e gjakut”, tha zëvendësministri i FSK-së, Burim Ramadani.

Ndërsa, Bukurie Zhupi nga Qendra Kombëtare e Transfuzionit të Gjakut të Kosovës, tha se pjesëtarët e FSK-së janë bërë një shembull i mirë për të ndihmuar qytetarët e Kosovës dhe për ngritjen e vetëdijes te qytetarët që t’i përgjigjen aksionit humanitar për dhurimin e gjakut dhe aksioneve të ngjashme humanitare.

Aksioni humanitar për dhurimin e gjakut në kuadër të FSK-së realizohet në dy faza brenda vitit. Vlen të theksohet se që në ditën e parë, këtij aksioni i janë përgjigjur 50 pjesëtarë të MFSK-së.

Aksioni do të vazhdojë nesër në kazermën ,,Adem Jashari” të Komandës së Forcave Tokësore dhe do të zgjasë deri më 22 shkurt 2018, në të gjitha njësitet dhe kazermat e FSK-së.

Ndryshe, FSK-ja tashmë ka një traditë të organizimit të aksioneve humanitare për dhurimin vullnetar të gjakut, me moton “Një pikë gjak për shpëtimin e një jete”.

Subscribe në YouTube: GAZETA INFOKUSI
Etiketa:
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme