Sport

​FFK thërret tifozët para ndeshjes me Qipron: Dardanët kanë nevojë për mbështetjen tuaj

Autori: Gazeta inFokus 14:36 | 27 September 2022

Kur kanë mbetur edhe disa orë deri te ndeshja ndërmjet Kosovës dhe Qipros, e vlefshme për grupin 2 të Ligës C në Ligën e Kombeve, duket se interesimi për ta parë këtë ndeshja në stadiumin “Fadil Vokrri” nga ana e tifozëve nuk është i madh.

Kjo për faktin se Federata e Futbollit të Kosovcës në orët e mëngjesit të sotëm ka lëshuar një tjetër thirrje për tifozët duke i ftuar ata që të blejnë bileta për ta mbështetur kombëtaren në këtë sfidë kaq të rëndësishme.

Në faqen zyrtare të federatës në “Facebook” është ri-postuar linku i shitjes së biletave online i cili do të jetë i hapur deri në ora 15:00 dhe të cili i është bashkangjitur thirrja për blerjen e biletave.

-Advertisement-

“Biletat për ndeshjen Kosovë vs Qipro mund të blihen online në linkun e mëposhtëm deri në orën 15:00. Dardanët kanë nevojë për mbështetjen tuaj!”, ka shkruar FFK.

Ndryshe, Kosova ka nevojë për fitore ndaj Qipros në mënyrë që të mos e rrezikojë rënien në Ligën D.

Ndeshja zhvillohet nga ora 20:45./KP

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

sport