Sport

FFK dënon klubin e Llapit, pasi ‘kërcënuan’ gjyqtarët dhe thyen rregullat anti-Covid-19

Autori: Gazeta inFokus 12:25 | 29 November 2020

Komisioni Disiplinor i Federatës së Futbollit të Kosovës e ka dënuar klubin e Llapit me 1,000 euro, shkruan Gazeta inFokus.

Kjo pasi klubi llapjan ka shkelur rregullat anti-Covid-19, duke lejuar disa tifozë në takimin që e luajtën ndaj Prishtinës në stadiumin ‘Zahir Pajaziti’ në Podujevë.

Përveç kësaj sipas njoftimit të FFK-së, dy personat të paidentifikuar para ndeshjes me kryeqytetasit kanë kërcënuar gjyqtarët.

-Advertisement-

Më poshtë keni vendimin e KD të FFK-së.

FC LLAPI 1932 nga Podujeva në procedurë të iniciuar disiplinore nga ana e Komisionit të Garave për lëshime në organizimin e ndeshjes së javës së; XIV-të të Superligës së Kosovës në futboll për kategorinë e seniorëve; LLAPI 1932 – PRISHTINA, e zhvilluar me datë 25.11.2020 në stadiumin “Zahir Pajaziti“ në Prishtinë. Raportet zyrtare dhe xhirimet televizive (para fillimit të ndeshjes dy persona të pa identifikuar kërcënojnë gjyqtarët e takimit, njëherësh gjatë zhvillimit të ndeshjes nuk u respektuan masat anti-Covid 19; kishte numër të konsiderueshëm të spektatorëve në tribuna). Bazuar në nenin 52 paragrafi 1 pika h dhe neni 10 paragrafi 1 pika d; të Rregullores disiplinore; DENOHET me të holla në shumë prej; 1000 euro (një mijë euro). Afati i pagesës së dënimit të shqiptuar është 8 ditë nga dita kur vendimi bëhet i plotfuqishëm. (rregullorja disiplinore neni 11 paragrafi 1)./Gazeta inFokus/

Subscribe në YouTube: GAZETA INFOKUSI