Lajme

Ferizaj: 5 raste të dhunës në familje brenda një jave

Autori: Gazeta inFokus 13:29 | 22 May 2023

5 raste të dhunës në familje janë regjistrua në Ferizaj brenda një jave, ndërsa një tjetër në Kaçanik.

Në komunikatën e policisë bëhet e ditur se Prokuroria Themelore në Ferizaj ka ndaluar në mbajtje për 48 orë, 3 persona, ndërsa 3 të tjerë janë liruar në procedurë të rregullt

Komunikata e Policisë:

Në Policinë Rajonale të Ferizajt gjatë javës që shkoj, nga data 15- 21/05/2023 janë raportuar 6 raste të dhunës në familje, prej tyre 5 raste janë raportuar në Ferizaj dhe 1 rast në Kaçanik.

-Advertisement-

Me vendim nga Prokuroria Themelore në Ferizaj, 3 persona janë ndaluar në mbajtje për 48 orë , ndërsa 3 persona tjerë janë liruar për procedurë të rregullt hetimore.

Policia Rajonale e Ferizajt rastet e dhunës në familje i ka trajtuar në mënyrë profesionale nga policë primarë të stacioneve dhe hetues rajonal të Njësisë së Dhunës në Familje.

Subscribe në YouTube: GAZETA INFOKUSI