Lajme

Ferit Idrizi kampion në realizimin e premtimeve, i realizoi 76 për qind

Autori: Gazeta inFokus 16:00 | 07 September 2023

Në platformën elektronike “LETËRNJOFTIMI I KOMUNAVE”, sot Instituti GAP ka publikuar shkallën e përmbushjes së premtimeve zgjedhore të dhëna nga kryetarët e komunave për mandatin 2021-2025. Ky përditësim përfshin periudhën deri në fund të qershorit 2023.

Nga gjithsej 1,816 premtime të 27 kryetarëve të komunave, 473 premtime (26%) janë përmbushur, 285 premtime (16%) janë gjysmë të përmbushura, 422 premtime (23%) janë të filluara, dhe 636 (35%) e premtimeve mbeten të pa filluara.

Shkallën goxha të lartë të përmbushjes së premtimeve zgjedhore, e ka edhe kryetari i Vushtrrisë, Ferit Idrizi.

-Advertisement-

Nga 51 premtime të tij, 27 prej tyre i ka përfunduar, 4 janë gjysmë të përfunduara, 8 janë të filluara, ndërsa 12 ende nuk kanë filluar.

Ndër premtimet e Idrizit, ishin “Përfshirja e fëmijëve me aftësi të kufizuara në procesin mësimor, Fëmijët me aftësi të kufizuara janë të përfshirë në institucione shkollore edhe në këtë vit shkollor 2022/23”.

“Fëmijët me aftësi të kufizuara janë të përfshirë në institucione shkollore dhe këtë vit (2022) janë angazhuar edhe katër mësimdhënës shtesë për të mbuluar mësimin për nxënës me nevoja të veçanta”.

Premtim tjetër i realizuar i Idrizit është edhe organizimi i kuizit të diturisë në vitin shkollor 2022/23 me klasa të pesta, klasa të nënta dhe klasa të dymbëdhjeta. Kuizi është mbajtur në lëndët përfshirëse: Gjuhë shqipe, Matematikë, Njeriu dhe Natyra. Garat e diturisë për klasat e IX-ta janë mbajtur me datë: 10.05.2023 dhe me 15.05.2023, lëndët: Gjuhë shqipe, Histori, Biologji, Kimi, Teknologji. Garat e diturisë për klasat e XII-ta të Gjimnazit janë mbajtur më datë: 11.05.2023 dhe me 12.05.2023, në lëndët shkencore: Biologji dhe Kimi.

Subscribe në YouTube: GAZETA INFOKUSI
Etiketa:
Për Festën e Bajramit, ZBRITJE deri n’KUPË t’QIELLIT!
-Advertisement-

Të tjera

Fokusi

lajme