Lajme

Fëmijët ukrainas krijojnë mbajtës çelësash nga bomba që goditi shkollën e tyre

Autori: Gazeta inFokus 09:17 | 29 April 2023

Zëdhënësi i Bashkimit Evropian për Punë të Jashtme dhe Siguri, Peter Stano, ka prezantuar një mbajtëse çelësash të krijuar nga fëmijët ukrainas, për të cilën thotë se tregon barbarinë ruse mbi Ukrainë.

Stano, në një konferencë për media, tha se ky krijim u bë nga disa fëmijë ukrainas prej një bombe që kishte shkatërruar shkollën e tyre, shkruan Euronews.

“Kjo është një copë nga një bombë, e rëndë prej 500 kilogramësh. Ky është një nga ato që po hidhen mbi objektivat civilë në Ukrainë. Ky është mbledhur nga rrënojat e një shkolle nga fëmijët”, tha Stano.

-Advertisement-

Në fillim të kësaj jave një shkollë në Kramatorsk u godit nga një raketë ruse, një nga qindra të dëmtuara ose shkatërruar që nga pushtimi rus në shkallë të plotë.

Sipas Qendrës për Rezistencën e Informacionit, një organizatë jofitimprurëse kërkimore dixhitale, 381 shkolla janë goditur nga sulmet ruse në Ukrainë.

Autoritetet ukrainase e vendosin shifrën shumë më të lartë, duke thënë se 3000 shkolla janë dëmtuar dhe 370 janë shkatërruar që nga fillimi i luftimeve.

Subscribe në YouTube: GAZETA INFOKUSI
Fillon aplikimi për Global Engineer Girls Kosova
-Advertisement-

Të tjera

Fokusi

lajme