Sport

Fellaini tërhiqet nga kombëtarja e Belgjikës

Autori: Gazeta inFokus 13:42 | 08 March 2019

Mesfushori shtatlartë, Marouane Fellaini, i ka dhënë fund karrierës me kombëtaren e tij.

Kombëtarja e Belgjikës ka mbetur pa njërin prej lojtarëve më të rëndësishëm të dekadës së fundit.

Bëhet fjalë për mesfushorin Marouane Fellaini, i cili ka njoftuar tërheqjen nga ekipi kombëtar nëpërmjet një postimi në rrjetet sociale.

-Advertisement-

“Ka ardhur koha t’i hap rrugën brezit të ri”, shkruan Fellaini, i cili debutoi me Belgjikën 12 vite më parë dhe ka siguruar 87 paraqitje me kombëtaren e “Djajve të Kuq”.

Në 12 vite Fellaini ka qenë dëshmitar dhe protagonist i një ndryshimi rrënjësor të futbollit belg.

Në vitin 2007 Belgjika ishte ndër ato kombëtare që ndodhej shpesh në vazon e katërt në shortet e kualifikueseve të Evropianit ose Botërorit, ndërsa sot mban vendin e parë në botë në renditjen e FIFA-s.

Subscribe në YouTube: GAZETA INFOKUSI
Etiketa:
Shkëlqim Devolli dhe Adriatik Kelmendi e presin ambasadorin amerikan, Jeff Hovenier
-Advertisement-

Të tjera

Fokusi

sport