Sport

Faruk Statovci komenton formën e dobët të Dritës në stinorin pranveror

Autori: Gazeta inFokus 17:21 | 24 February 2021

Drita po kalon në krizë të rezultateve në stinorin pranveror. Gjilanasit kanë pësuar edhe humbjen e dytë radhazi në kampionat, shkruan Gazeta inFokus.

Të drejtuarit e Ardian Nuhiut janë mposhtur sot në udhëtim te Prishtina me rezultat 2-0, në sfidën e zhvilluar në stadiumin ‘Fadil Vokrri’ në kuadër të javës së 21-të në Superligë.

Disfatat e ekipit nga Gjilani për Gazetën inFokus i ka komentuar analisti i njohur kosovar, Faruk Statovci.

-Advertisement-

Ai ka thënë se është e vështirë të shohësh Dritën me këto humbje, por ka shtuar se gjilanasit dinë ta menaxhojnë këtë situatë dhe do të dalin nga kjo krizë.

“Është vështirë të shohësh një ekip si Drita me këto humbje, por si duket ka hyrë në krizë të thellë të rezultateve dhe lojës. Në takimin e sotëm ndaj Prishtinës pamë një Dritë të pa forcë dhe të pa motivuar, arsyet nuk i di pse. Por unë mendoj se Drita din me menaxhu këtë situatë edhe besoj se do të dalë nga kjo krizë”, ka deklaruar Statovci për Gazetën inFokus.

Pas humbjes nga Prishtina, Drita vazhdon të renditet e dyta me 44 pikë, një më pak se Ballkani që kryeson./Gazeta inFokus/

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

sport