Lajme

Familja Geci reagon pasi Specialja përmendi komunikatën 59: Krasniqi e Selimi thanë të vërtetën

Autori: Gazeta inFokus 17:00 | 03 April 2023

Të hënën në Gjykatën Speciale ka nisur gjykimi ndaj katër ish-krerëve të Ushtrisë Çlirimtare të Kosovës (UÇK).

E teksa prokurori filloi t’i zbulonte “dosjet” për Hashim Thaçin, përmendi komunikatën 59, të cilën Thaçi kishte refuzuar ta ketë nënshkruar – mandje kishte thënë se nuk ishte e UÇK-së.

Por Specialja rikujtoi deklarata të Jakup Krasniqit dhe Rexhep Selimin të cilët asokohe “demantonin” Thaçin.

-Advertisement-

Në lidhje me ketë ka reaguar Fadil Geci, pasi në komunikatën 59 ishte përmendur edhe emri i Ganit Gecit.

“Ata të cilët nuk kishin histori dhe donin të krijonin “histori të rrejshme” mbi historinë e familjes sonë duke njollosur familjen tonë,  vëllain tonë për të ardhur në pushtet në emër të Marksizmit dhe te Leninizmit dhe në emër të LPK-së”, ka thënë Geci në një postim në Facebook.

Ai autorët e komunikatës 59’s i ka cilësuar si marksistë-lenistë, duke akuzuar se ishin të orientuar kah Kremlini.

“Ne familja jonë e kemi theksuar që 24 vite që do rrotullojmë çdo guri, do trokasim çdo dere për t’i demaskuar fundërrinat pa histori që donin te krijonin histori të rrejshme mbi kurrizin e atyre që historia i njeh me shekuj si familje atdhetaresh e patriotike në të gjitha kohërat të cilat kalonte populli ynë në luftëra kundër okupatoreve sllavo-rus dhe perendorisë osmane”, ka thënë ai ndër tjerash.

Geci tregoi se kënd e kishte për qëllim ajo komunikatë.

“Komunikata 59 e shtabit te LPK-se është bërë me qellim te eliminimit fizik te vëllait tonë Gani Geci dhe njollosjen e familjes tonë duke dashur te na fusin ne rendin e kolaborocionistve për te qenë këta të cekurit të lirë, të manipulojnë në Drenicë si te duan ata për epshet e tyre dhe “idealit” marksist-leninist te orientuar nga Kremlini”.

Të dielën në Prishtinë ka pasur një marsh të madh, ku mijëra qytetarë kundërshtuan Gjykatën Speciale.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik

Të tjera

Fokusi

lajme