Lajme

Familja e Bajram Rexhepit po bëhen gati për të pritur trupin e të ndjerit (Foto/Video)

Autori: Gazeta inFokus 16:25 | 21 August 2017

Familjarët e ish-kryeministrit Bajram Rexhepi janë të tronditur nga vdekja e të dashurit të tyre dhe janë mbledhur për të pritur arritjen e trupit të tij nesër nga spitali i Turqisë, atje ku ndërroi jetë sot në mëngjes.

Kështu ka bërë të ditur për Arbresh.info, Ylber Durmishi, një prej bashkëpunëtorëve më të ngushtë të të ndjerit Rexhepi.

Durmishi ka folur në detaje për mikun e tij duke nisur me punën që bënte si mjek në kohë lufte, zgjedhjen e tij si kryeministër i parë në Kosovën e pasluftës dhe shumë veprimtari të tjera të tij.

-Advertisement-

Ai ka thënë se familjarët e ish-kryeministrit kanë qenë të përgatitur për humbjen e kryefamiljarit të tyre pasi gjendja i ishte rënduar shumë kohëve të fundit.

Trupi i Rexhepit do të vijë në Kosovë nesër në mëngjes, ai do të varroset në varrezat e dëshmorëve në fshatin Shipol të Mitrovicës ndërkohë që ora e saktë e varrimit nuk është caktuar ende.