Sport

Fabregas pranë largimit nga Chelsea

Autori: Gazeta inFokus 12:32 | 04 October 2018

E ardhmja e Cesc Fabregas është gjithnjë e më larg Chelsea-t. Sipas mediave britanike, mesfushori katalan nuk është i kënaqur me minutazhin e paktë në këtë fillim sezoni, pasi trajneri Maurizio Sarri preferon benjaminin e tij, Jorginho.

Duke marrë parasysh kontratën që përfundon në qershor, spanjolli po vlerëson seriozisht mundësinë e largimit nga blutë e Londrës. Gjatë merkatos së verës Milani shfaqi interes për 31-vjeçarin, por mes palëve asnjëherë nuk nisën bisedimet.

Nuk përjashtohet mundësia që spanjolli të largohet nga “Stamford Bridge” që në janar, sigurisht nëse palët do të vlerësojnë të arsyeshme ndarjen e parakohshme.

-Advertisement-

Subscribe në YouTube: GAZETA INFOKUSI