“Evropiani i Vitit” nga Kosova ëndërron t’i bie kitarës përtej kufijve
Autori: Gazeta inFokus 15:36 | 09 May 2023
Dy telat e sipërm të kitarës i prek lehtë gjersa flet për veten.
Tingujt e kitarës, Ledion Halitaj thotë se e bëjnë të ndihet më i qetë dhe i lumtur.
Dashurinë për këtë instrument, 11-vjeçari nga Prishtina e kishte prej se ishte shumë i vogël, ndërsa prindërit i bindi t’ia blinin një kur ishte rreth 9 vjeç.
Në vitin 2020, Ledioni u regjistrua në shkollën private të muzikës “Beethoven” në Prishtinë, ndërsa në shtator të atij viti fitoi çmimin e parë në një festival ndërkombëtar të kitarës, i organizuar në Transilvani të Rumanisë.
“Kitarën e kam pasur qejf shumë dhe atë kitarë e kam mbajtur në katër festivale dhe pastaj e kam blerë kitarën e re”, tregon Ledioni për Radion Evropa e Lirë.
Karriera e tij si muzikant i ri shpërtheu shpejt me pjesëmarrje të shumta në festivale të ndryshme ndërkombëtare. Ai sot numëron 15 çmime nga këto festivale.
Por, përhapja e pandemisë COVID-19 më 2020 bëri që këto festivale të mbaheshin në formën online dhe ai të mos mund të udhëtonte në vende si Rumania e Bullgaria, ndër tjera.
“Por, prej këtij viti po përgatitem për festivale të radhës [me prezencë fizike]”, tregon i entuziazmuar 11-vjeçari.
Ndër vlerësimet më të veçanta për të, Ledionit i erdhi më 4 maj të këtij viti, kur Zyra e Bashkimit Evropian në Kosovë ia dha çmimin “Evropiani i Vitit”.
Ky çmim ndahet çdo vit për një person në Kosovë, për nder të Ditës së Evropës që shënohet më 9 maj.
Në mesin e disa të nominuarve nga kjo zyrë, fituesi zgjidhet përmes votave të publikut kosovar në rrjete sociale.
“Ky kitarist klasik 11-vjeçar, jashtëzakonisht i talentuar, është një model i vërtetë dhe një fener shprese. Më shumë të rinj kosovarë duhet ta zgjedhin artin si thirrjen e tyre”, tha Tomas Szunyog, ambasador i BE-së në Kosovë, gjatë ndarjes së çmimit për Ledionin.
Ledioni thotë se në mbrëmjen e ndarjes së çmimit, kishte shumë njerëz që po e shikonin.
“Por, nuk kishte problem”, thotë ai, duke shtuar se ky çmim “do ta motivojë shumë që të arrijë edhe suksese të tjera”.
Ledioni vijon mësimet në klasën e gjashtë në Shkollën Fillore “Ismail Qemajli” në Prishtinë, ndërsa mësimet e kitarës i ndjek dy herë në javë.
Mësuesin e tij, Erhan Mujka, Ledioni thotë se e ka kitarist të preferuar, së bashku me Petrit Çekun, një kitarist tjetër kosovar.
Mujka – krenar me sukseset e nxënësit të tij – thotë se do të dëshironte që të rinjtë e talentuar në muzikë nga Kosova, të kishin pasur mundësi të udhëtonin më lirshëm nëpër Evropë.
Qytetarët e Kosovës kanë regjim të vizave për udhëtim në shumicën e vendeve evropiane, por ai pritet të hiqet më 1 janar, 2024.
“Gara… nuk është ideja të zhvillohet vetëm sa për garë. Ideja është që (nxënësit) të shoqërohen. Është shumë me rëndësi që të shohin kulturën, zhvillimin e shteteve tjera, të shohin edhe nivelin e moshatarëve të nxënësve”, thotë Mujka, i cili është mësimdhënës i kitarës edhe në një shkollë publike të muzikës në Mitrovicën e Jugut.
“Lëndët e mia të preferuara janë biologjia dhe historia”, thotë Ledioni, i cili, megjithatë, fokusin synon ta mbajë në kitarë.
“Kam dëshirë të vizitoj vendet si Vjena (Austri), Italia e të tjera”, thotë ai, duke shpresuar që një ditë të paraqitet me kitarën e tij edhe atje. (Rel)
Të tjera
-
Kusari-Lila: Borrelli e Lajçaku s’kanë lejuar që qeveria ta hartojë konceptin e Asociacionit
Shefja e deputetëve të Lëvizjes Vetëvendosje, Mimoza Kusari – Lila, ka thënë ...
-
Imami kosovar thirrje Kurtit e Haxhiut: Lejoni shamitë në shkolla!
Imami Kosovar Labinot Maliqi, përmes një postimi ne facebook i ka bërë thirrj...
-
Besnik Tahiri: Nëse e bën këtë, unë i them hallall të koftë Albin Kurti
Shefi i GP-së së AAK-së, Besnik Tahiri, është shprehur i pakënaqur me punën e...
-
Marëdhënie në nivel strategjik
Kina deklaroi ngritjen e marrëdhënieve me Hungarinë Serbinë mbi nivelin e par...
-
Përbërja e re e Kuvendit të RMV-së do të jetë me 30 deputetë shqiptarë
Përbërja e re e Kuvendit të Maqedonisë së Veriut do të ketë 30 deputetë shqip...
-
Firmat e sanksionuara, dikur në bashkëpronësi të Radoiçiqit, fituan miliona euro
Mbi 23.5 milionë euro. Kaq fituan tri kompani ndërtimi në Serbi, të cilat gje...
-
Kurti: Vazhdojnë të mblidhen dëshmitë e krimeve të kryera gjatë luftës në Kosovë
Kryeministri i vendit, Albin Kurti, ka takuar drejtorin ekzekutiv të Institut...
-
Gjenerali amerikan merr detyrën e shefit të shtabit të KFOR-it në Kosovë
Gjeneral brigade Arthur J. Garffer nga ushtria amerikane ka marrë zyrtarisht ...
-
Bajrami – Gërvallës: S’mbulohën dështimet në politikën e jashtme me të pavërteta për ekonominë e Kosovës
Hykmete Bajrami, deputete e Lidhjes Demokratike të Kosovës, i ka reaguar, min...
-
Abdixhiku takon delegacionin 30 anëtarësh të CSU-së: LDK-ja i ruan dhe i kultivon raporte me forcat kryesore evropiane
Kreu i LDK-së, Lumir Abdixhiku, njofton se ka mirëpritur delegacionin 30 anët...
-
Skandaloze: Në parcelën ku duhet të ndërtohet një çerdhe në Prishtinë, po ngrihet një objekt banesor
Një skandal i madh, i pa parë deri më tash po ndodh në komunën e Prishtinës, ...
-
Bashkëluftetari i Ilir Konushevcit: S’kemi menduar kurrë se do t’i bëhej pritë në shtetin që kishim më së shumti besim
Sot janë bërë 26 vjet që nga rënia e heroit të kombit, Ilir Konushevci, bashk...