Lajme

Enver Hoxhaj: Janë të pakuptimta vonesat në krijimin e Ushtrisë

Autori: Gazeta inFokus 16:26 | 21 January 2018

Në nëntë vjetorin e transformimit të Trupave Mbrojtëse të Kosovës, në Forcën e Sigurisë së Kosovës, zëvendës kryeministri i Kosovës, Enver Hoxhaj ka thënë se çdo vonesë në transformimin e FSK-së në ushtri është e pakuptimtë.

Hoxhaj tha se transformimi i FSK-së në ushtri është çështje e rëndësisë së madhe për integrimin euro-atlantik të Kosovës.Këto komente, Hoxhaj i bëri përmes një postimi në Twitter, ku edhe theksoi se gjatë këtyre viteve, FSK-ja ka dëshmuar profesionalizëm dhe ka shënuar suksese të shumta në misione Brenda dhe jashtë vendit.

“Para nëntë vitesh Trupat Mbrojtëse të Kosovës janë shndërruar në Forcën e Sigurisë së Kosovës. Që nga atëherë, FSK-ja ka treguar profesionalizëm dhe suksese të shumta në misionet e saj brenda dhe jashtë vendit. Në vitin 2018, transformimi i FSK-së në Forca të Armatosura është çështje kritike dhe çdo vonesë më shumë është e pakuptimtë”, është postimi i plotë i Hoxhajt.

-Advertisement-

Postimi i plotë në Twitter:

9 years ago #Kosovo Protection Corps transformed into Security Force. Since then, KSF has shown professionalism & marked enormous success in #Kosovo & in intl. missions. In 2018 KSF transformation into Armed Forces is a critical matter and more delays are meaningless pic.twitter.com/vdAHoFhUg4

— Enver Hoxhaj (@Enver_Hoxhaj) January 21, 2018