Lajme

Endrit Thaçi publikon foto kur ish-presidenti ishte operuar në QKUK

Autori: Gazeta inFokus 12:30 | 03 November 2022

Presidentja e Republikës së Kosovës, Vjosa Osmani, në orët e vona të së mërkurës i është nënshtruar një intervenimi kirurgjik në një prej spitaleve private në vend.

Një vendim i tillë i udhëheqëses së shtetit që ka zgjedhur privatin para QKUK-së për heqje të tëmthit ka nxitur reagime të shumta.

Pa reaguar s’ka qëndruar as Endrit Thaçi djali i ish-presidentit Hashim Thaçi i cili ka publikuar një fotografi kur babai i tij ishte nënshtruar një operimi në QKUK.

-Advertisement-

“Krenar me mjekët, respekt për punën dhe përkushtimin e tyre”, ka shkruar Endrit Thaçi.

Për operimin e Thaçit në prill të vitit 2020 ishte lëshuar edhe një komunikatë për media ku ishte treguar se ai i ishte nënshtruar një intervenimi endourologjik në Klinikën e Urologjisë në SHSKUK.

“Presidenti i Republikës së Kosovës, Hashim Thaçi, sot pasdite i është nënshtruar një intervenimi kirurgjik endourologjik në Klinikën e Urologjisë në Shërbimin Spitalor Kliniko-Universitar të Kosovës. Sipas personelit mjekësor, operacioni ka qenë i suksesshëm dhe presidenti është nën kujdesin e vazhdueshëm të personelit mjekësor profesional”, thuhej në komunikatë.

Subscribe në YouTube: GAZETA INFOKUSI
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

lajme