Sport

“El Clasico”, rivaliteti i pavdekshëm në historinë e futbollit

Autori: Gazeta inFokus 14:07 | 28 October 2023

Sot do të zhvillohet përballja mes Barcelonës dhe Real Madridit e njohur edhe ndryshe si “El Clasico”.

Por, çka është “El Clasico”?

El Clasico, ndeshja e madhe e futbollit spanjoll dhe e botës, është përballja ndërmjet dy klubeve më të mëdha në Spanjë, Barcelona dhe Real Madrid.

-Advertisement-

El Clasico përveç se është një sfidë sportive, ajo gjithashtu pasqyron një ndarje kulturore, historike dhe rajonale që lidhet me thellë me historinë e vendit.

Rivaliteti mes klubeve filloi që në vitin 1902, por u intensifikua ndjeshëm gjatë viteve 1930. Fillimet e këtij rivaliteti janë të ndërthurura me ndryshime politike dhe shoqërore në Spanjë, përfshirë monarkinë, republikën dhe luftën civile.

El Clasico, lirisht mund të quhet edhe si perla e futbollit spanjoll dhe një nga eventet më të mëdha sportive në botë, e cila vazhdon të mbajë pasionin e gjallë dhe zjarrin e rivalitetit mes Barcelonës dhe Real Madridit.

Kjo ndeshje legjendare, e cila shpesh ka vendosur fatin e titujve dhe ka përcaktuar historinë e futbollit, është e pasur me statistika dhe momente të paharrueshme.

Por, si qëndrojnë statistikat mes këtyre dy klubeve të mëdha?

Sipas statistikave deri në vitin 2023, janë zhvilluar rreth 250 ndeshje midis dy klubeve në të gjitha kompeticionet, ku Los Blancos kanë fituar rreth 98 ndeshje. Ndërsa, Barcelona ka fituar rreth 96 përballje.

E nga këto ndeshje, rreth 56 prej tyre kanë përfunduar me barazim.

Për nga shënimi i golave, ekipi i Carlo Ancelottit qëndron më mirë se ai i Xavi Hernandez. Pra, madrilenët në El Clasico kanë shënuar mbi 405 gola, kurse katalunasit kanë shënuar mbi 395 gola

Në kampionatin spanjoll, janë zhvilluar rreth 180 ndeshje mes klubeve, ku Real Madrid ka fituar rreth 74 ndeshje, ndërsa Barcelona ka fituar rreth 72, dhe rreth 34 janë përfunduar në barazim.

Kurse në Kupën e Mbretit, Klubet janë përballur 34 herë. Barcelona ka fituar 15 ndeshje, ndërsa Real Madrid ka fituar 12.

Kujtojmë se Lionel Messi ka shënuar 26 gola në El Clasico, duke u bërë golashënuesi më i mirë i të gjitha kohërave të këtij rivaliteti.

Ndeshjet e El Clasico shpesh kanë ndikuar direkt në fitimin e titujve, ku të dyja klubet kanë shkëmbyer suksese dhe dështime.

El Clasico do të vazhdojë të mbetet ndeshja më e madhe e futbollit spanjoll dhe një nga më të rëndësishmet në botë, ku çdo përballje sjell një kapitull të ri në historinë e këtij rivaliteti epik.

Subscribe në YouTube: GAZETA INFOKUSI
Prince Caffe pjesëmarrës në panairin “Gulfood Fair 2024” në Dubai

Të tjera