Eksperti Musliu: Bandat kriminale në veri punojnë për Vuçiqin – targat ishin pretekst për presidentin serb që ta devijojë procesin e dialogut
![](https://gazetainfokus.com/wp-content/uploads/2022/11/agim-musliu-852x460.png)
Autori: Gazeta inFokus
14:56 | 16 November 2022
Njohësi i çështjeve të sigurisë, Agim Musliu ka thënë se situata aktuale në veri të Kosovës është e brishtë, duke shtuar se kjo është si pasojë e luftës hibride ruse.
Musliu, në një intervistë për “Telegrafin, tha se situatës në veri i parapriu impelementimi i vendimit të Qeverisë për targat.
“Çështja e targave ka qenë pretekst për të braktisur institucionet e Kosovës nga ana e zyrtarëve serbë. Ky presion që i bëhet Kosovës dhe bashkësisë ndërkombëtare i shërben Vuçiqit, sepse është mjeshtër në blerje të kohës për devijim të procesit të negociatave”, tha Musliu.
Ai theksoi se kjo po ndodh për blerje të kohës, devijim të procesit të negociatave dhe për të përfituar në tavolinën e bisedimeve për çështjen e Asociacionit.
Pavarësisht kësaj, Musliu shtoi se deri më tani nuk është se ka pasur indikacione se po përgatitet ndonjë plan nga bandat kriminale në veri për eskalim të situatës.
“Deri tani kur po flasim nuk kemi asnjë indikacion se është duke u përgatitur ndonjë gjë nga ato që quajmë bandat kriminale në veri për të prishur rendin dhe qetësinë ligjore dhe kushtetuese në Republikën e Kosovës. Përderisa flitet për siguri, atëherë sigurisht që duhet t’i marrim parasysh të gjithë parametrat, faktorët dhe akterët të cilët ndikojnë në këtë aspekt. Duhet të analizojmë situatën gjeopolitike dhe gjeostrategjike edhe në Ballkan dhe më gjerë”, ka thënë Musliu.
Ai theksoi se lufta në Ukrainë ka impakt në tërë botën dhe po ashtu edhe në Ballkan, derisa shtoi se Serbia “është patericë e Rusisë dhe influencës së saj në Ballkan”.
“Serbia është patericë e Rusisë dhe influencës së saj në Ballkan përmes kishës ortodokse, bizneseve, luftës hibride, nëpërmjet bandave kriminale, përmes politikanëve të korruptuar etj. Në Ballkan shtrihet lufta hibride ruse në mënyrë permanente në më shumë se një dekadë në mënyrë efektive. Jemi dëshmitarë të asaj që quhet influenca ruse në Serbi dhe krahas kësaj, mund të konstatojmë që në Beograd sot krahas gjuhës serbe flitet edhe gjuha ruse…”, ka thënë Musliu.
Duke komentuar luftën Ukrainë-Rusi, Musliu tha se shteti rus qysh nga fillimi ka qenë e vetëdijshme që nuk mund të luftoj në mënyrë klasike me NATO-n apo SHBA-të me të cilin e ka tërë këtë “mesele” sepse dëshiron që të shtyjë kufijtë e NATO-s që janë në Ballkan, përmes Serbisë.
“Lufta hibride e Rusisë ndikon në situatën e sigurisë në Ballkan, dhe kjo bënë që situata në Kosovë është më e brishtë”, tha ai.
Njohësi i sigurisë më tej theksoi se bandat kriminale në veri kontrollohen nga presidenti i Serbisë, Aleksandar Vuçiq dhe se të njëjtat punojnë për të.
“Duke marrë parasysh influencën e Rusisë te presidenti serb, Aleksandar Vuçiq i cili i kontrollon këto bandat kriminale në veri, e të cilët janë në listë të zezë të SHBA-ve, janë të targetuar si kriminel dhe si të tillë i kontrollojnë të gjitha bandat kriminale që janë më shumë se një që bëjnë biznese të pista e që përfitojnë për partinë e Vuçiqit. Veselenoviq dhe Radoiçiq i cili akuzohet për vrasjen e Oliver Ivanoviqit, janë udhëheqësit e bandave kriminale të cilët punojnë për presidentin e serb jo vetëm në Kosovë por edhe në Serbi. Ata punojnë së bashku me Vuçiqin për çështjen e Kosovës”, tha Musliu.
Ai theksoi se dihen të gjitha detajet rreth aktivitetit të këtyre bandave kriminale e po ashtu edhe identiteti i shumë prej tyre. Në këtë intervistë Musliu ka folur edhe për luftën hibride dhe dezinformatat që vijnë nga mediat në Serbi dhe Rusi. /Telegrafi
![](https://gazetainfokus.com/wp-content/uploads/2024/08/Universum.png)
Të tjera
-
Eurodeputeti austriak: Vetëm me ndryshimin e rrethanave politike në BE është i mundur një kompromis për Kosovën
Shefi i delegacionit të Partisë së Lirisë së Austrisë (FPO) në Parlamentin Ev...
-
Vera merr fund përfundimisht, ulje drastike e temperaturave dhe përmbytje, borë në zonat malore
Pas temperaturave jashtëzakonisht të larta që kanë mbretëruar pothuajse gjatë...
-
A do të kandidojë përsëri për Presidente dhe a do të vazhdojë në politikë, Osmani çon mesazh: Nuk më heqin qafe lehtë
Presidentja e Kosovës, Vjosa Osmani, në një intervistë për “Kallxo Përnime”, ...
-
Osmani e konfirmon që s’e deshti afër Martin Berishajn gjatë vizitës në Kroaci: Ashtu kam vendosur
Presidentja e Kosovës, Vjosa Osmani, në gusht ishte në një vizitë zyrtare në ...
-
Vendimi për Calin, Specialja caktoi gjyqtarët por jo edhe seancën
Para një muaji Gjykata Supreme e Dhomave të Specializuara të Kosovës ia anulo...
-
Dështimi për anëtarësim në Këshill të Europës, kush prishi punë sipas presidentes, Kurti apo Gërvalla?
Presidentja e Kosovës, Vjosa Osmani, ka folur lidhur me moskoordinimin për le...
-
Osmani thotë se Shefi i CIA’s ka pasur vetëm një kërkesë – “S’është e jashtëzakonshme, por s’mund ta bëjë publike”
Një kërkesë nga Shtetet e Bashkuara të Amerikës është paraqitur për Kosovën n...
-
Osmani: Zgjedhjet dhe referendumi i Serbisë u ndalën në zyrën time
Presidentja e Kosovës, Vjosa Osmani, ka thënë se ajo ka qëndruar në të gjitha...
-
Ende pa datë takimi mes Kosovës dhe Serbisë
Ndonëse nuk është bërë e ditur data e takimit të ardhshëm mes Kosovës e Serbi...
-
Abdixhiku e mbështet Zhegrovën, pas përjashtimit, e quan aset kombëtar
Kryetari i Lidhjes Demokratike të Kosovës, Lumir Abdixhiku, ka reaguar pas pë...
-
Osmani flet për masat e BE-së ndaj Kosovës: Javëve të fundit disa shtete kanë kërkuar të mbeten masat
Presidentja e Kosovës, Vjosa Osmani, deklaroi se javëve të fundit janë njoftu...
-
Ben-Meir: Njohja e Kosovës nga Serbia do të përshpejtohet sapo të largohet Putini
Alon Ben-Meir, profesor amerikan në pension dhe ekspert i politikës ballkanik...