Ndryshe nga gjeneratat e mëparshme, gratë dhe burrat aktualisht tradhtojnë përafërsisht me të njëjtat ritme, megjithëse arsyet pse gratë tradhtojnë mund të jenë të ndryshme nga burrat.

Ekspertët thonë se tre arsyet kryesore që gratë tradhtojnë janë: mungesa e dashurisë për partnerin, dëshira për shumëllojshmëri seksuale dhe faktorë të situatës (si të dehurit apo me pushime). Fillimi i vitit është një kohë e vështirë për institucionin e martesës. Ashley Madison, një faqe takimesh për njerëzit që kërkojnë të fillojnë lidhje jashtëmartesore, raportoi në një deklaratë për shtyp të vitit 2018, se janari dhe shkurti janë muajt ku ka më shumë regjistrime të reja. Avokatët e divorcit shtojnë se shohin një rritje të kërkesave për divorc pas pushimeve. Por, para se të arrijmë në atë pikë, ia vlen të bëjmë një hap prapa dhe të shohim se përse njerëzit tradhtojnë, veçanërisht gratë.

Dallimet në arsyet pse burrat dhe gratë tradhtojnë po ngushtohen.

“Tradicionalisht, është argumentuar se gratë kanë më shumë gjasa se burrat të tradhtojnë sepse janë të pakënaqura me marrëdhëniet ekzistuese, ndërsa burrat kanë më shumë gjasa se gratë të tradhtojnë sepse ata janë në kërkim të shumëllojshmërisë seksuale ose një mundësi të paraqitur”, thotë , Zhana Vrangalova, Ph.D., profesoreshë e seksualitetit njerëzor në NYU.

“Në gjeneratat e vjetra, burrat kishin shumë më tepër gjasa të tradhtonin sesa gratë, ndërsa në brezin aktual gratë dhe burrat po tradhtojnë me ritme të ngjashme,” shton ajo. “Brezi aktual i burrave dhe grave janë më të ngjashëm në arsyet e tyre për të tradhtuar sesa gjeneratat e vjetra.”

Sigurisht, ka disa ndryshime midis burrave dhe grave.

“Një studim i kohëve të fundit tregoi se burrat kishin më shumë gjasa se gratë të tradhtonin për arsye që lidhen me dëshirën seksuale dhe shumëllojshmërinë dhe për shkak të faktorëve të situatës si të dehurit,” thotë Vrangalova.

“Megjithatë, tre arsyet kryesore për tradhtinë e miratuar nga gratë dhe burrat ishin saktësisht të njëjta: mungesa e dashurisë për partnerin kryesor, dëshira për shumëllojshmëri seksuale dhe faktorë të situatës”.

Ndonjëherë, arsyet pse gratë tradhtojnë janë të motivuara seksualisht.

Nëse doni të gërmoni pak më thellë se pse gratë tradhtojnë, Alicia Walker, Ph.D., një profesore asistente e sociologjisë në Universitetin Shtetëror të Misurit, kaloi një vit duke intervistuar gra që kanë pasur marrëdhënie jashtëmartesore për librin e saj, “Jeta sekrete e gruas mashtruese”. Ajo gjeti më shumë nuanca në idenë se gratë tradhtojnë për shumëllojshmëri seksuale.

“Në studimet e mia mbi tradhtinë e grave, zbulova se gratë po kontraktonin kënaqësinë seksuale në marrëdhëniet e tyre, në një përpjekje për të qëndruar me partnerin e tyre aktual,” thotë ajo.

“Ato besonin se nëse do të vazhdonin të mos plotësonin nevojat e tyre seksuale, do t’u duhej të prishnin familjet e tyre dhe t’i thyenin zemrën partnerit të tyre. Asnjë nga gratë nuk e mori vendimin për të tradhtuar lehtë. Pas disa vitesh dhe nganjëherë dekada përpjekjesh për të përmirësuar martesat e tyre, ato vendosën të shikonin diku tjetër.”

Disa gra janë të pakënaqura në marrëdhëniet e tyre. Kjo nuk do të thotë se gratë që tradhtojnë, janë gjithmonë në kërkim të shpëtimit të marrëdhënies me partnerin që kanë. Ndonjëherë, është e kundërta.

“Një nga arsyet kryesore që gratë tradhtojnë është për të hedhur në erë një marrëdhënie që i bën ato të ndihen të bllokuara në një farë mënyre,” thotë Charlynn Ruan, Ph.D., një psikolog klinik dhe themelues i Thrive Psychology Group.

“Shpesh ato janë me një partner që duket si një person i mirë, por është kontrollues, mbytës ose emocionalisht i padisponueshëm. Gruaja përpiqet të bëjë ndryshime, ta detyrojë partnerin të bëjë terapinë për çifte, ose përpiqet që të ketë harmoni mes tyre, por kur gruaja nuk ia del mbanë me këto përpjekje, tradhtia i jep arsye partnerit që të ndahet” Kjo shpesh vjen me ndjenja faji, Për shembull, ‘ai është një njeri i mirë, por unë jam e mjerë, diçka nuk shkon me mua’”, tregon Dr Ruan.

Në çiftet heteroseksuale, hulumtimi tregon se gratë kanë shumë më shumë gjasa se burrat të nisin divorcin dhe janë më të lumtura pas divorcit sesa burrat. Por, për gratë që luftojnë me fajin për të lënë partnerin, ndjehen sikur ai ka nevojë për të dhe nuk mendojnë se lumturia e tyre është arsye e mjaftueshme për t’u ndarë, kështu tradhtia u jep atyre një rrugëdalje.

Kujdes nga shenjat paralajmëruese të tradhtisë!

Nëse mendoni se marrëdhënia juaj është jashtë rrugës dhe partneri juaj mund të jetë duke menduar ose duke filluar një lidhje, ka disa të dhëna që mund t’i mbani nën sy.

“Ka tre flamuj të mëdhenj të kuq: të qenit shumë mbrojtëse ose e fshehtë me telefonin e saj, mungesën e parave ose tërheqja e rregullt e parave nga ATM dhe mungesën e kohës,” thotë Dr. Kathy Nickerson.

Një psikolog klinik i certifikuar shprehet: Nëse partneri juaj nuk ju tregon se ku ishte për një pjesë të ditës, kjo është një shenjë se diçka interesante po ndodh. Të kesh shumë takime të rastësishme për kafe ose takime me njerëz për të cilët nuk keni dëgjuar kurrë. Flamuri më i madh i kuq është të qenit i çuditshëm me telefonin, nëse telefoni është gjithmonë i kyçur dhe nuk i largohet kurrë nga sytë, edhe kur ajo është në dush, do të shqetësohesha.

Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm

Sponsoruar