Ishte muaji shkurt i vitit 2014, më saktësisht tri vite më parë kur Florent Hadergjonaj po mahnite gjithë Zvicrën me aftësitë e tij të jashtëzakonshme.

Harkimet e tij në zonë ishin vdekjeprurëse për kundërshtarët pasi gjithmonë topi që harkohej nga këmbët e kosovarit gjente ndonjë bashkëlojtar që u përgjigje duke shënuar gol.

Thuajse askush nuk e njihte pasi po vinte nga skuadra juniore e Young Boysit, por me zhvillimin e disa ndeshjeve ai u bë futbollisti kryesor në kryeqytetin e Zvicrës, Bern.

Qysh në vitin e parë te Young Boysi mori një çmim të madh duke u zgjedhur lojtari i vitit në klubin verdh e zi nga tifozët.

Florenti nuk kishte vlerë më shumë se 100 mijë euro në faqen e specializuar për transferime ‘transfermarkt.de’.

Hadergjonaj duke iu gëzuar një goli me fanellën e Young Boysit

Shkëlqeu për dy stinorë në elitën e futbollit zviceran, luajti për të gjitha grupmoshat e Zvicrës dhe bëri hapin e madh duke u transferuar në Bundesliga për dy milionë euro.

Shtatë ndeshje nuk u ftua fare në skuadër nga trajneri i Ingolstadt, por ndeshja e tetë ishte speciale për Florentin.

23-vjeçari ishte i emocionuar pasi do të përballje me gjigantin gjerman Borussia Dortmund, dhe u hodh në fushë nga minuta e parë.

Ndeshja e fundit e Florentit me fanellën e klubit zviceran Young Boys Bern

Ishte debutim për Lentin me fanellën e Ingolstadit. Çfarë debutimi! Debutim ëndrrash, pasi arriti të bëjë një asistim të mrekullueshëm dhe në fund të ndeshjes të shpëtoj një gol të sigurt në sfidën që përfundoi në barazim 3:3. Lojtari i ndeshjes pa diskutim.

Nga ndeshja me Dortmundin, Florenti mungoi vetëm në dy të tjera për shkak të kartonëve, pasi luajti 25 në total në Bundesliga duke shënuar edhe një gol dhe duke bërë tre asistime.

Fati i tij i keq ishte që Ingolstadt u largua nga elita e futbollit gjerman, ndërsa kosovari kërkoi me ngulm largimin.

Hadergjonaj gjatë një dueli në Bundesliga me fanellën e Ingolstadt

Falë paraqitjeve të jashtëzakonshme në Bundesliga, Florenti bëri për vete shumë skuadra që ofruan miliona për të.

RB Leipzig, Stuttgart, Hoffenheim, Wolfsburg, Bayer Leverkusen, Augsburg e Werder Bremen e kërkuan në Bundesliga, por ofertat e tyre u refuzuan nga Ingolstadt ashtu si edhe oferta e skuadrës nga Serie A, Atalanta.

Deçanasi u rebelua me drejtuesit e klubit dhe i bojkotoi stërvitjet pasi dëshironte me çdo kusht largimin, ndërsa në fund pranoi ofertën e Huddersfield që u ngjit në kampionatin në të fortë në botë Ligën Premier.

Hadergjonaj iu bashkua skuadrës bardh e kaltër si huazim por që ka drejtën e blerjes për pesë milionë euro dhe ky çmim mund të ngritët edhe më shumë varësisht nga paraqitjet e Florentit.

Ky është vetëm fillimi i një karriere tejet të suksesshme për Florentin, pasi mbrojtësi i djathtë ka vetëm 23 vite.

23-vjeçari u prezantua tek skuadra e Ligës Premier, Huddersfield

Në një prononcim të shkurtë ekskluziv për Telegrafin, Hadergjonaj ka thënë se është tejet i lumtur që më në fund u zyrtarizua ky transferim.

“Ishte verë e gjatë. Kam kërkuar me ngulm largimin pasi kishte oferta të rëndësishme dhe në fund ia dola”.

“Për mua të luaj në kampionatin anglez ka qenë një ëndërr fëmijërore dhe tani u realizua. Jam shumë i lumtur për këtë dhe dua t’i falënderojë edhe menaxherët e mijë Erdin dhe Arbër Shaqirin”, deklaroi Hadergjonaj për Telegrafin.

“Tani shpresojë që të vazhdoj me sukses edhe në kampionatin anglez ashtu si në Superligën e Zvicrës dhe në Gjermani. Duhet të punoj shumë që ta arsyetoj çmimin tim por edhe ta shumëfishojë atë”, tha Hadergjonaj.

Ylli kosovar duke nënshkruar kontratën në praninë e dy menaxherëve të tij Erdin Shaqiri (majtas) dhe Arbër Shaqiri (djathas)

Vlera e tij për tri vite e gjysmë u rrit ndjeshëm, hiq më pak se 50 herë më shumë, pasi nga 100 mijë euro sa kushtonte në verën e vitit 2014 tani djaloshi i artë i Kosovës kushton pesë milionë.

Shpresojmë që Hadergjonaj të ketë sukses edhe në Ligën Premier, pasi nëse vazhdon me këtë ritëm ndoshta një ditë do ta thyej edhe rekordin e Benjamin Mendyt si mbrojtësi më i shtrenjtë në histori të futbollit.

Florent, shkëlqe në Angli pasi e gjithë Kosova ka sytë nga ti, duke shpresuar për një ‘PO’ përfundimtare.

Kryetari Përparim Rama pjesë e ‘Mayor’s Talk’

Sponsoruar