Lajme

Ekskluzive: Këta janë të deleguarit e ri të Qeverisë në Bordin e Telekomit (Emrat)

Autori: Gazeta inFokus 16:31 | 24 July 2020

Qeveria e Kosovës tashmë është duke votuar online për emrat e ri të anëtarëve të Bordit të përkohshëm të Telekomit të Kosovë, të cilët do të zëvendësojnë anëtarët e dorëhequr në fillim të kësaj jave nga kjo pozitë.

Gazeta Infokus ka mësuar se kryesues i Bordit do të jetë Mehmet Berisha derisa tre anëtarë të tjerë janë: Kushtrim Krasniqi, Teki Shala dhe Blerim Shehu.

Nga të sapo zgjedhurit, Teki Shala, ka qenë emëruar nga qeveria e kaluar e Kosovës në të njëjtën pozitë në bordin e përkohshëm të Telekomit të Kosovës.

-Advertisement-

Shala ka qenë drejtor i Drejtorisë për Buxhet dhe Financa, në komunën e Gjakovës, nga Lidhja Demokratike e Kosovës.

Ndërkaq, kryesuesi i Bordit, Mehmet Berisha sipas të dhënave që ka siguruar gazeta Infokus, aktualisht është ushtrues detyre i Departamentit ligjor në Agjencinë Kosovare të Privatizimit ndërsa eksperienca e tij kryesisht është në fushën e drejtësisë dhe menaxhimit të projekteve.

Ndryshe nga ky, anëtari tjetër, Blerim Shehu mësohet se vjen nga komuna e Prizrenit përvoja e tij kryesore lidhet me financa në institucionet publike.

Përvojë të ngjashme del të ketë edhe Kushtrim Krasniqi, i cili së fundmi ka qenë i angazhuar si ekspert i jashtëm i auditimit në Bankën për Biznes ndërsa paraprakisht si analist financiar në USAID e institucione tjera financiare./Gazeta Infokus/

Subscribe në YouTube: GAZETA INFOKUSI