Sport

Edhe ylli i Liverpoolit në Arabi, gati firma për tre sezone

Autori: Gazeta inFokus 10:21 | 26 June 2023

Edhe Roberto Firmino drejt Arabisë Saudite. Sulmuesi i njohur brazilian është i lirë, pasi i ka përfunduar kontrata me Liverpoolin dhe ka zgjedhur të transferohet te arabët e Al Ahly-t.

Vendimtare ka qenë oferta joshëse e këtyre të fundit, që i kanë propozuar Firminhos një kontratë 3-vjeçare për një total prej 50 milionë eurosh.

Sulmuesi pritet të fluturojë drejt Arabisë Saudite këtë javë, për të kryer testet mjekësore dhe më pas për të hedhur firmën mbi kontratën e dakordësuar me herët me drejtuesit e Al Ahly.

-Advertisement-

Për Firminon patën shfaqur interes klube të shumta në Europë, por duket se braziliani ka preferuar të shtojë shifrat në llogarinë e tij bankare, në vitet e fundit të karrierës.

Në këtë mënyrë vijon të shtohet kolonia e futbollistëve të njohur, që këtë verë po transferohen në Arabinë Saudite, pasi më herët kanë firmosur Benzema, Kante, Mendy, Koulibaly, etj.

Subscribe në YouTube: GAZETA INFOKUSI