Lajme

Edhe një vit shkollor në objektin e shkatërruar në Busavatë të Kamenicës

Autori: Gazeta inFokus 22:30 | 26 August 2018

Autostradë minjsh po quhen të çarat e murit të shkollës së fshatit Busavatë, të komunës së Kamenicës.

Lulzim Aliu si një prind, shprehet i frikësuar për fëmijët e tij duke e parë këtë gjendje, e veçanërisht me punimet e lëna në gjysmë për shkollën e re pa rrethoja.

Drejtori i kësaj shkolle, Abedin Maliqi, fajëson Ministrinë e Arsimit për mos-përzgjedhjen e një kompanie të duhur për ndërtimin e shkollës.

-Advertisement-

Ndërkaq, pohon se nxënësit janë të rrezikuar në shkollën e tanishme,e madje as dezinfektimin nuk kanë arritur ta bëjnë për shkak të vjetërsisë.

Ministria e Arsimit, përmes një përgjigje me shkrim tha se nuk po arrijnë të kontaktojnë me kompaninë kontraktuese e cila është përgjegjëse për ndërtimin e kësaj shkolle. Ndërkaq, shtuan se në takimin që kishin pasur më datën 24 korrik 2018, përgjegjësit e kompanisë ju kishin thënë se punimet janë zhvilluar me një ritëm të ngadalësuar për shkak të reshjeve, dhe janë zotuar se ato do të përshpejtohen.

Sidoqoftë nxënësit e fshatit Busavatë të Komunës së Kamenicës, nuk do ta kenë gati as këtë shtator shkollën e re, ndërkaq do të vazhdojnë të përballen me rrezikun që u kanoset nga shkolla e tanishme e cila është ndërtuar në vitet e 50-ta.

Subscribe në YouTube: GAZETA INFOKUSI
Etiketa:
Studio MASTER në UNI, Merr Diplomë dhe lejeqëndrim t’përhershëm në GJERMANI
-Advertisement-

Të tjera

Fokusi

lajme