Sport

Edhe Mayweatherin e lë e dashura!

Autori: Gazeta inFokus 10:19 | 29 September 2017

Ai vlerësohet të jetë sportisti i tretë më i pasur në botë, me mbi 700 milionë dollarë, pas mbylljes së karrierës, por duket se ky fakt nuk e ka bindur Abigail Clarke të vazhdojë lidhjen me boksierin tashmë në “pension” Floyd Mayweather.

Abi, një pjesëmarrëse e njohur në “reality show” në televizionet britanike ka konfirmuar së fundmi shkëputjen e marrëdhënieve me Floyd.

Vajza ishte një përkrahëse e zjarrtë në duelin që Mayweather pati kundër Conor McGregor, por tashmë duket se lidhjes së tyre të shkurtër i ka ardhur fundi. 26-vjeçarja e njohur për shumë operacione plastike ka thënë se do të pushojë për disa kohë dhe nuk do të jetë në një lidhje së shpejti.

-Advertisement-

Por në një intervistë të dhënë ditë më parë, me shaka Mayëeather deklaroi se kishte 7 të dashura. “Sa të dashura kam?! Shtatë. Dalim për të ngrënë së bashku dhe me disa prej tyre me avion”, u shpreh ai duke shtuar se “Të kesh një të dashur, thuajse njësoj si të mos kesh asnjë”.