Fun & Video

E padëgjuar: Gruaja vdes nga kafshimi i maces së pickuar nga rriqra

Autori: Gazeta inFokus 09:57 | 11 Gusht 2017

Një grua japoneze ka humbur jetën si pasojë e kafshimit nga një mace e infektuar nga këpusha, ose e njohur ndryshe si rriqra, duke shënuar kështu rastin e parë të transmetimit të sëmundjes nga kafsha tek njeriu.

Ministria japoneze e Shëndetësisë tha se viktima rreth 50 vjeç po ndihmonte një mace të humbur të sëmurë, kur ajo u kafshua.

Dhjetë ditë më vonë, ajo vdiq nga ethe të rënda hemoragjike që shkaktohen nga pickimi i rriqrës. Në kushtet kur vetë gruaja nuk ka qenë e pickuar nga insekti, mjekët thonë se sëmundja mund të jetë transmetuar përmes maces së infektuar.

-Advertisement-

Ethet e shkaktuara nga sindromi Severe Fever with Thrombocytopenia Syndrome (SFTS), është relativisht një sëmundje infektive e re që po përhapet në Kinë, Kore dhe Japoni. Virusi thuhet se ka një mortalitet deri në 30% dhe është veçanërisht i rëndë për njerëzit mbi 50 vjeç.

Sipas mediave japoneze, rasti i parë me SFTS u regjistrua në vitin 2013. Ministria japoneze e Shëndetësisë tha se vdekja e fundit ishte ende një rast i rrallë, por paralajmëroi njerëzit të jenë të kujdesshëm kur vihen në kontakt me kafshë në gjendje jo të mirë fizike dhe të pa vaksinuara.

Pickimet e rriqrave janë gjerësisht të lidhura me transmetimin e Sëmundjes së Etheve (Lyme) që mund të çojë deri në vdekje nëse nuk trajtohet.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fun-video

Ky website përdor cookies. Duke vazhduar përdorimin, ju pranoni përdorimin e tyre.

Privacy policy