Sport

E pabesueshme, Messi vendos një tjetër rekord te Barcelona

Autori: Gazeta inFokus 15:12 | 13 August 2018

Lionel Messi nuk ishte protagonist në asnjë nga dy golat që i dhanë triumfin Barcelonës në Superkupën e Spanjës ndaj Sevillasë, por “Pleshti” po bëhet gjithmonë e më shumë pjesë e historisë së katalanëve.

Kështu me trofeun e fituar mbrëmjen e djeshme në Tanger të Marokut, Lionel Messi ka shkuar në kuotën e 33 trofeve të fituar me fanellën e Barcelonës, më shumë se çdo futbollist tjetër që ka veshur bluzën e skuadrës katalane.

Tashmë Messi ka një trofe më shumë se Andres Iniesta, i cili vendosi të largohet nga Barça në muajin maj dhe numëron 9 triumfe në La Liga, 4 në Champions League, 6 në Kupën e Mbretit, 8 në Superkupën e Spanjës, 3 në Superkupën Europiane dhe 3 në Botërorin e Klubeve.

-Advertisement-

Ylli argjentinas ka debutuar me Barcelonën në vitin 2004 dhe që atëherë ka zhvilluar 670 ndeshje në total, duke shënuar 563 gola, ndërsa ka fituar edhe 5 herë topin e Artë.

Subscribe në YouTube: GAZETA INFOKUSI
Etiketa:

Të tjera

Fokusi

sport