Lajme

E ofenduan rëndë njëri-tjetrin, sot tentojnë të ‘kurorëzohen’ mes vete (Video+Foto)

Autori: Gazeta inFokus 10:51 | 07 July 2017

Lëvizja “Vetëvendosje” është duke mbajtur shpresa për ta bërë qeverinë e re, në rast se të njëjtën dështon ta bëjë koalicioni i tri partive, PDK-AAK dhe Nisma.

Krijimi i ekzekutivit ka bërë që kandidati për kryeministër, Albin Kurti, t’i nis bisedimet me Lidhjen Demokratike të Kosovës. Saktësisht, dje në objektin e Kuvendit është zhvilluar një takim ‘kokë më kokë’ ndërmjet tyre.

Mirëpo, të rikujtojmë se ish-lideri i LVV-së dhe Isa Mustafa nuk kishin lënë gjë të zezë pa ia thënë njëri-tjetrit. Në videot dhe shkrimet e publikuara në internet shihet ashpërsia e këtyre dy liderëve teksa mes vete kishin shkëmbyer edhe fjalë të rënda.

-Advertisement-

Kurti në një debat televiziv e kishte ‘qortuar’ Mustafën për “urtësinë” e tij në bisedimet ndërmjet Kosovës dhe Serbisë. “Po ti o ‘qyqan’ a pate naj fotografi me ja tregu Vuçiqit”, kishte deklaruar ai.

Ndërsa, Kurti  ishte zotuar se “Vetëvendosje” nuk është në politik për të bërë pazare për pushtet, shkruan Indeksonline

“Marrëveshjen e LAN-it e prishi lakmia për pozitën e kryeministrit dhe nga ana tjetër frika nga burgu pasi ambasadorja amerikane përmendi dosjet e korrupsionit në prokurori, sidomos të Isa Mustafën në komunën e Prishtinës”, ishte shprehur ai.

Nga ana tjetër, kryeministri Mustafa  kishte reaguar me shumë mllef ndaj disa deklaratave të Kurtit i cili kishte deklaruar se po të kishte shtet ligjor, do të duhej të ishte në burg

“A e di kush çka ka ky gomari i Zajednices me djemtë e mij??? Te drejtohet kah une Ukshi se e ka humbur rrugen” (sic.), ishte shkrimi i Mustafës në profilin e tij në Facebook.

Megjithatë, Mustafa ishte “pishman” për deklaratën e tij ndaj Kurtit.

“Unë në këtë rast mundem veç gomarit me i kërku falje që e kom krahasu me këta që nuk i respektojnë gardhin ose kufinin, nuk e respektojnë nderin e shtëpisë , tjerëve jo. Sepse te ne, as bagëtia nuk e then gardhin.”, kishte deklaruar ai në një emision televiziv. /Indeksonline/

Subscribe në YouTube: GAZETA INFOKUSI
Etiketa:
Thyhet REKORDI I ZBRITJEVE!
-Advertisement-

Të tjera

Fokusi

lajme