Rozë

E mbajti shtatzëninë larg medias, këngëtarja e njohur shqiptare sjell në jetë fëmijën e parë

Autori: Gazeta inFokus 16:30 | 31 July 2017

Këngëtarja e njohur sidomos për interpretim të vazhdueshëm live, ka sjellë në jetë fëmijën e saj të parë.

Rezarta Smaja e ka ndarë lajmin me miqtë në rrjetet sociale, ku ka treguar se tashmë ka sjellë në jetë vogëlushen e saj, një vajzë e cila është shëndoshë e mirë ashtu si e ëma.

Deri sot, Rezarta e kishte mbajtur larg vëmendjes së medias, faktin se ishte duke sjellë në jetë një fëmijë.

-Advertisement-

Këngëtarja e njohur shprehet kështu në mesazhin e saj:

“Falënderojmë Zotin që e solli në krahët tona këtë vocërrake shëndoshë e mirë. Ju falënderojmë shumë të gjithëve për urimet që na keni bërë në inbox apo profile. Një nga këto ditë do ju prezantojmë me engjëllin tonë të vogël që tani për tani po na mban larg nga rrjetet sociale. Ju përqafoj të gjithëve miq dhe dashamirës. Me respekt, mami Rezi dhe babi Jetmiri”.

Rezarta Smaja është një nga këngëtaret e njohura të rrymës pop-rock. Në të gjitha festivalet ku ka marrë pjesë, këngët e saj janë renditur në top dhjetëshen e këngëve më të mira.