Sport

E dhimbshme, ndahet nga jeta në moshën 36-vjeçare vëllai i Kristi Vangjelit

Autori: Gazeta inFokus 21:14 | 04 February 2021

Pavli Vangjeli, vëllai i mbrojtësit të njohur Kristi Vangjeli, është ndarë nga jeta sot në moshën 36-vjeçare, pasi humbi betejën me një sëmundje të rëndë që e kishte prekur prej disa muajsh.

Ai jetonte në Australi, ku vitet e fundit stërviste ekipe moshash në futboll, pasi edhe vetë ka qenë futbollist i rritur te Skënderbeu e më pas ka veshur fanellën e disa klubeve në kategori të ndryshme në Greqi.

Njerëz të ndryshëm të botës së futbollit, por edhe klubi i futbollit i Tiranës, i kanë shprehur ngushëllimet Kristi Vangjelit për këtë humbje të rëndë, ndërsa vlen të theksohet se mbrojtësi u largua nga Tirana në muajin dhjetor, pikërisht për t’i qëndruar pranë të vëllait në ditët e fundit të jetës.

-Advertisement-

E madhe është dhimbja edhe te Kristi Vangjeli, i cili nëpërmjet profilit të tij në “Facebook”, i ka kushtuar disa rreshta vëllait të tij, që tashmë nuk jeton më.

“I dashuri im, paç një rrugë të sigurt! Mbështetja ime, nuk mund ta besoj që të humba kaq shpejt. Sëmundja e rëndë të mposhti ty, por ti nuk u dorëzove asnjëherë. Ishe një luftëtar i madh. Të dua shumë unë dhe engjëjt tanë”, shkruan mbrojtësi.

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

sport