Lajme

E dhimbshme: Ky është çifti që humbën jetën në aksidentin tragjik mes trenit dhe furgonit në Klinë

Autori: Gazeta inFokus 22:34 | 09 March 2024

Dy persona kanë humbur jetën si pasojë e një aksidenti të rëndë në trafik që ka ndodhur sonte në fshatin Krushevë të Klinës, ku u përfshinë një furgon dhe treni.

Sinjali mëson se viktimat janë çifti Fahri dhe Vlora Deçani, të cilët ndërruan jetë në spital.

Lajmin për vdekjen e tyre e ka kumtuar zëdhënësi i Policisë së Kosovës për Rajonin e Pejës, Fadil Gashi, i cili tha për Sinjalin se janë informuar nga mjeku kujdestar në Emergjencën e Spitalit Rajonal në Pejë, që viktimat s’kanë arritur t’u mbijetojnë plagëve të marra.

-Advertisement-

“Mjeku kujdestar në Emergjencën e Spitalit Rajonal të Pejës e ka konfirmuar vdekjen e dy të lënduarve në aksidentin që ndodhi në Krushevë”, ka thënë Gashi.

Aksidenti ka ndodhur rreth orës 18:10 dhe në të janë përfshirë një tren dhe një kombibus.

“Sot rreth orës 18:10, policia është njoftuar për një aksident në fshatin Krushevë e Madhe, Klinë. Në aksident është i përfshirë treni i udhëtarëve dhe një kombibus. Dy persona janë dërguar me Emergjencë për në Spitalin Rajonal në Pejë”, ka njoftuar paraprakisht Gashi.

Subscribe në YouTube: GAZETA INFOKUSI
Për Festën e Bajramit, ZBRITJE deri n’KUPË t’QIELLIT!
-Advertisement-

Të tjera

Fokusi

lajme